Madaniyat

“Bravo” va aktrisa Halimaxonning litsenziyasi tugatildi

“BRAVO” jamoasi va Halima Ibragimovaning litsenziyalari 26 fevral kunidan amal qilishi tugatildi.

TOSHKENT, 26 fev – Sputnik. “Oʻzbekkontsert” davlat muassasasi tomonidan 26 fevraldan eʼtiboran “Bravo” jamoasi va aktrisa Halima Ibragimovaning litsenziyasi tugatildi.

Bu maʼlumotni Sputnik Oʻzbekiston muxbiriga “Oʻzbekkontsert” matbuot xizmati tasdiqladi.

Xalida Ibragimova - Sputnik Oʻzbekiston
Jamiyat
Qiziqchi Halimaxon ham “Kiki” raqsini oʻynadi

Maʼlum qilinishicha, “Oʻzbekkontsert” davlat muassasasida “Badiiy soʻz sanʼati va sahna masʼuliyati” mavzusida yigʻilish oʻtkazildi. 

“Davra suhbatida qiziqchi va soʻz ustalarining ijodida kuzatilayotgan kamchilik va qusurlarni bartaraf etish, oldini olish va tartibga solish kabi muhim masalalar koʻtarilishi koʻzda tutilgan,” – deb taʼkidlandi “Oʻzbekkontsert” matbuot xizmatida.

“Oʻzbekkontsert” bilan tuzgan litsenziya talablari va shartlari qoʻpol ravishda buzilgani, yaʼni oʻtkazilgan kontsert dasturlarida muassasaga topshirilgan stsenariydan chetga chiqib, milliy urf-odatlarimiz, odob-ahloq, maʼnaviy qadriyatlarga yot boʻlgan, fahshni targʻib qiluvchi hajviyalar orqali oʻzbek soʻz sanʼati obroʻsiga putur yetkazayotgani, ijtimoiy tarmoqlarda sanʼatkor odobiga rioya etmagani uchun soʻz ustalari “BRAVO” va Ibragimova Halima Ubaydullayevnalarning litsenziyalari 2019 yilning 26 fevral kunidan amal qilishi tugatiladi”, - deb maʼlum qilindi “Oʻzbekkontsert” matbuot xizmatida.

Shu bilan birga, soʻz ustalari (“Gap yoʻq-triosi”) Sardor Tashmuhamedov, Laliddin Xolmatov va Sanjar Isabayevlar yosh avlodni maʼnaviy-axloqiy tarbiyalashga salbiy taʼsir koʻrsatadigan mazmunan sayoz, mantiq va sheʼriyat talablariga javob bermaydigan bachkana soʻzlar ijrosida boʻlgan “ommaviy madaniyat” va axloqsizlik gʻoyalarini targʻib etuvchi video kliplarni ijtimoiy tarmoqlarda tarqatganligi uchun ogohlantirildi hamda kelgusida shu kabi holatlar takrorlansa, ularning litsenziyalari ham toʻxtatilishi maʼlum qilindi.

Eslatib oʻtamiz, bir necha kundan avval ijtimoiy tarmoqlarda aktrisa Halima Ibragimovaning soʻkingani tasvirlangan videolar tarqaldi.

Yangiliklar lentasi
0
Avval yangilariAvval eskilari
loader