TOShKENT, 28 fev - Sputnik. Qonun ustuvorligi indeksida O‘zbekiston 126ta davlat orasida 94-o‘rinni egalladi. O‘zbekistonning ushbu reytingdagi o‘rni o‘tgan yilgiga qaraganda 2 pog‘ona yaxshilangan.
O‘tgan yilgi reytingda O‘zbekiston 91-o‘rinda edi. Bu yilgisida esa 94-o‘rinda qayd etildi.
Tashkilotchilar "ikki pog‘ona yaxshilanishni" reytingga 13ta yangi davlat qo‘shilgani bilan izohlashmoqda. Ya’ni o‘tgan yili O‘zbekiston 113ta davlat orasida 91-o‘rinda bo‘lgan bo‘lsa, bu yil 126ta davlat orasida 94-o‘rinni egallagan.
Sharqiy Yevropa va Markaziy Osiyo mintaqasida O‘zbekiston 13ta davlat orasida 12-o‘rinda qayd etilgan. Oxirgi o‘rin Turkiyaga nasib qilgan.
Markaziy Osiyoda eng yaxshi ko‘rsatkich Qozog‘istonga tegishli (umumiy reytingda 65-o‘rin), undan keyin Qirg‘iziston (85-o‘rin) o‘rin olgan. Tojikiston va Turkmaniston reytingga kiritilmagan.
Reyting peshqadamlarida o‘zgarish bo‘lmagan. Daniya hamon 1-o‘rinda bormoqda.
Kuchli o‘nlikdan Norvegiya, Finlyandiya, Shvetsiya, Nederlandiya, Germaniya, Avstriya, Yangi Zelandiya, Kanada, Estoniya davlatlari o‘rin egallagan.
