Nodavlat sport inshootlarini qurish uchun yer 30-yilga bepul beriladi

© Press-slujba prezidenta UzbekistanaSportivnaya ploshadka na territorii Tashkentskogo sentra kulturi dlya gluxonemix
Sportivnaya ploshadka na territorii Tashkentskogo sentra kulturi dlya gluxonemix - Sputnik O‘zbekiston
Obuna bo‘lish
Vazirlar Mahkamasining qarori bilan “Jismoniy tarbiya va sport sohasida davlat-xususiy sheriklik to‘g‘risida”gi nizom tasdiqlandi.

TOShKENT, 4 mar - Sputnik. Vazirlar Mahkamasining 2019-yil 1-martdagi qarori bilan “Jismoniy tarbiya va sport sohasida davlat-xususiy sheriklik to‘g‘risida”gi nizom tasdiqlandi. Bu haqda Adliya vazirligining “Huquqiy axborot” kanalida xabar qilindi.

Massovie zanyatiya utrenney gimnastikoy v Tashkente - Sputnik O‘zbekiston
Aholini jismoniy tarbiya va ommaviy sportga jalb etish bo‘yicha qaror loyihasi tayyorlandi

Nizomga muvofiq, davlat-xususiy sheriklik quyidagi shakllarda amalga oshiriladi:

- nodavlat sport inshootlarini qurish va foydalanish uchun yerni bepul berish (30 yilga);

- davlat sport inshootlarining foydalanilmayotgan qismini bepul foydalanish uchun xususiy sheriklarga o‘tkazish (30 yilga);

- mavjud davlat sport inshootlarini qayta qurish va jihozlash (30 yilga);

- keyinchalik beg‘araz yordam ko‘rsatish sharti bilan sport inshootlarini qurish uchun yerni bepul berish (20 yil va undan ortiq davrga);

- konsessiya asosida qurish, qayta qurish va jihozlash uchun yer yoki bino ajratish;

- xususiy sport inshootlarini moddiy-texnik va moliyaviy ta’minlash.

Davlat-xususiy sheriklik to‘g‘risidagi bitimlarni tuzish bo‘yicha 5 kishilik tanlovlarni o‘tkazish komissiyasi tuziladi.

Tanlov boshlanishidan 30 kun oldin Internet tarmog‘ida va rasmiy saytlarda bu haqda e’lon beriladi.

Tanlovda qatnashmoqchi bo‘lganlar komissiyaga ariza beradi.

Ariza 10 kunda komissiya tomonidan ko‘rib chiqiladi.

Kamida ikki ishtirokchidan tanlovda ishtirok etish uchun arizalar kelib tushganda, tanlov o‘tkaziladi.

Eng maqbul taklif egasi tanlov g‘olibi deb topiladi va u bilan bitim tuziladi.

Samarqandda Rossiya Jismoniy tarbiya instituti filiali ochiladi

Yangiliklar lentasi
0