TOShKENT, 8 mar – Sputnik. O‘zbekiston Mudofaa vazirligi ayollarni o‘ziga xos bayramona aksiyalar bilan qutlashmoqda, deb xabar qildi muassasa matbuot xizmati.
8 mart — Xalqaro xotin-qizlar kuni munosabati bilan O‘zbekiston Qurolli Kuchlari akademiyasi va Chirchiq oliy tank qo‘mondonlik-muhandislik bilim yurti kursantlari, Qurolli Kuchlar Markaziy ashula va raqs ansambli hamda Mudofaa vazirligi Markaziy harbiy orkestri jamoalari poytaxtimizdagi bir necha savdo markazlarida bo‘lib, bu yerdagi ayol-qizlarni o‘zgacha uslubda tabriklashni davom etmoqda, - deyilgan xabarda.
Undan tashqari, Markaziy harbiy okrug orkestri Samarqand shahridagi Registon maydoni hamda “Atlas” ko‘ngilochar savdo majmuasida konsert dasturlari ijro etdi.
Shuningdek, harbiylar turli sohalarda xizmat qilayotgan, kasalxonalarda davolanayotgan, keksa yoshdagi ayollarga gullar sovg‘a qilib ularning ko‘ngillarini shod etishdi.
