“Hamma hasharga”: toshkentliklar “Yashil tashabbus” aksiyasini qo‘llab-quvvatlashdi

Ushbu ekologik festival doirasida 409 mingdan ortiq daraxt ko‘chatlari o‘tqaziladi, undan har bir kishi ishtirok etishi mumkin. Toshkent shahar hokimligi matbuot xizmatining ma’lum qilishicha, ishtirokchilar har bir tumanda maxsus punktlarga murojaat qilib, u yerdan daraxt ko‘chatlari olishlari, belgilangan bo‘sh hududlarga yoki o‘z hovlilariga o‘tqazishlari mumkin.

Festivalda 2 mingga yaqin ko‘ngillilar,  mahallalar, muassasalar va tashkilotlar ham ishtirok etmoqda.

Shuningdek, festival doirasida master-klasslar va boshqa mavzuli tadbirlar o‘tkazish ham rejalashtirilgan.

Tadbirning asosiy maqsadi – Toshkent ekologiyasini yaxshilashga hissa qo‘shish.