Jamiyat

Oʻzbekiston musulmonlar idorasi Yangi Zelandiyadagi hujumga munosabat bildirdi

© muslim.uzPrazdnichnaya molitva v sobornoy mecheti "Xazrati Imam"
Prazdnichnaya molitva v sobornoy mecheti Xazrati Imam - Sputnik Oʻzbekiston
Obuna boʻlish
Yandex newsTelegram
Butun dunyo moʻmin-musulmonlari, ulamolar, din va davlat arboblari Yangi Zelandiyada uyushtirilgan otishma oqibatida halok boʻlganlarning oila aʼzolariga chuqur hamdardliklar bildirmoqdalar.

TOSHKENT, 16 mar - Sputnik. Oʻzbekiston musulmonlar idorasi Yangi Zelandiyaning Kraysterch shahrida ikki masjidda sodir boʻlgan otishmaga nisbatan rasmiy munosabat bildirdi va hodisaga "vahshiylikning eng dahshatli koʻrinishi", deya izoh berdi.

Strelba v mecheti Novoy Zelandii: manifest avstraliytsa i pogibshiye - Sputnik Oʻzbekiston
Dunyoda
Yangi Zelandiyadagi masjidlarda sodir boʻlgan otishmada 27 kishi halok boʻldi

"Aslida bu ommaviy qotillikni amalga oshirgan razil kimsalar haqiqiy terrorchilardir. Terrorchi boʻlganda ham ashaddiy, qilgan jinoyatidan huzurlanadigan, bu ham yetmaganidek, oʻz qotilliklari bilan maqtanishdan ham tap tortmaydigan yovuzlardir. Bular Alloh taoloning, Rasuli Akramning, Islom dinining va ikki milliardga yaqin moʻmin-musulmonlarning ashaddiy dushmanlaridir. Yana ham umumiy qilib aytsak, insoniyat dushmanlaridir.

Soʻnggi yillarda ayrim mamlakatlarda islomofobik kayfiyat avj olgan bir paytda Avstraliya va Yangi Zelandiyada musulmonlar tinch va osuda hayot kechirayotgan edi. Koʻplab musulmon mamlakatlardan borib, u yerda yashab kelayotgan dindoshlarimiz moddiy tomondan anchagina rivojlanib borayotgan edi. Bu holat qora kuchlarning manfaatiga zid keldi. Ular vaqt oʻtgani sari Islom anʼanalarining mahalliy aholiga ham taʼsir etishidan choʻchidi. Natijada ular shunday dahshatli terrorni uyushtirishgacha borib yetdi", - deyiladi xabarda.

Eslatib oʻtamiz, juma kuni Kraystchercha (Janubiy orol) dagi ikkita masjidda otishma sodir boʻlgan va mahalliy hukumat axborotiga koʻra, 49 kishi halok boʻlgan. Yangi Zelandiya Bosh vaziri Jasinda Ardern yuz bergan hodisani terakt, deb atagan. Hujumga aloqadorlikda gumonlanayotgan uch nafar shaxs qoʻlga olingan. Ular orasida Avstraliya fuqarosi ham bor. 28 yashar Brenton Tarrant qotillikda ayblanmoqda, bugun shanba kuni sud uning hibsda saqlanishi muddatini 5 aprelga qadar uzaytirdi.

Bu qotilliklar ayrim manfur kimsalarning oʻsha yerda istiqomat qiluvchi musulmonlarga nisbatan mantiqsiz nafrati oqibatidir. Bu nafrat islomofob nashrlar natijasida paydo boʻlgan. Bu mashʼum voqea Islom dushmanlari buyurtmasi asosida amalga oshirilgan navbatdagi terrordir. Bu nafaqat moʻmin-musulmonlarga, balki butun insoniyatga qaratilgan mudhish jinoyatdir.

Shavkat Mirziyoyev prinyal delegatsiyu Vsemirnogo banka - Sputnik Oʻzbekiston
Siyosat
Shavkat Mirziyoyev Yangi Zelandiya xalqiga hamdardlik bildirdi

"...Juma kunida oʻnlab moʻmin-musulmonlarning umriga zomin boʻlgan buzgʻunchilar inson qiyofasini yoʻqotgan vahshiylardir. Butun dunyo moʻmin-musulmonlari, ulamolar, din va davlat arboblari uyushtirilgan terrorchilik oqibatida halok boʻlganlarning oila aʼzolariga chuqur hamdardliklar bildirmoqdalar.

Alloh taolo shahid boʻlganlarni rahmatiga olsin, ularning yaqinlariga sabru jamiyl bersin, jarohat olganlarning tez fursatlarda shifo topishlarini nasib aylasin!", - deyiladi Oʻzbekiston Musulmonlar idorasi rasmiy munosabatida.

Yangiliklar lentasi
0