Oʻzbekiston Hukumati rahbarlari Mirabror Usmonov oilasiga taʼziya bildirdi

© AFP 2022 / OLIVIER MORINMirabror Usmanov
Mirabror Usmanov - Sputnik Oʻzbekiston
Obuna boʻlish
Yandex newsTelegram

TOSHKENT, 16 mar - Sputnik. Oʻzbekiston hukumati rahbarlari nomidan Oliy Majlis Senati Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisining oʻrinbosari, taniqli davlat va jamoat arbobi, senator Mirabror Zufarovich Usmonov vafoti munosabati bilan "OʻzA"da nekrolog eʼlon qilindi.

Shavkat Mirziyoyev vыrazil soboleznovaniya semye Mirabrora Usmanova - Sputnik Oʻzbekiston
Siyosat
Shavkat Mirziyoyev Mirabror Usmonov oilasiga taʼziya bildirdi

Usmonov 1947 yil Toshkent shahrida tugʻildi, 1978 yilda Samarqand kooperativ (hozirgi iqtisodiyot va servis) institutini iqtisodchi mutaxassisligi boʻyicha tamomladi. Oʻz ish faoliyatini 1964 yilda Toshkent shahridagi "Bahor" restoranida boshladi. Keyinchalik Toshkent shahridagi bir qator restoranlarda turli vazifalarda ishladi. 

Oʻz hayotini el-yurt xizmatiga bagʻishlagan M.Usmonov koʻp yillar mobaynida Toshkent shahar restoranlar tresti direktori, Toshkent shahar ijroiya qoʻmitasi umumiy ovqatlanish bosh boshqarmasi boshligʻi lavozimlarida samarali faoliyat koʻrsatdi.

Mustaqillikning dastlabki yillaridagi murakkab oʻtish davrida mamlakatimizda oziq-ovqat taʼminotini yaxshilash, ichki bozorni sifatli isteʼmol tovarlari bilan toʻldirish, savdo va maishiy xizmat sohalarida islohotlarni amalga oshirish va malakali kadrlar tayyorlash borasida uning xizmatlari katta boʻldi. 

Boy mehnat va hayot tajribasiga ega boʻlgan bu zahmatkash insonning rahbarlik va tashkilotchilik qobiliyati Oʻzbekiston Respublikasi savdo vaziri, "Oʻzbeksavdo" davlat uyushmasi raisi, Bosh vaziri oʻrinbosari kabi masʼul vazifalarda ishlagan yillarida yaqqol namoyon boʻldi. 

U 2005-2019 yillar mobaynida Oʻzbekiston Respublikasi Oliy Majlisi Senatining qoʻmita raisi, rais oʻrinbosari lavozimlarida faoliyat olib borib, milliy parlamentimiz rivojiga munosib hissa qoʻshdi.

Mirabror Usmanov - Sputnik Oʻzbekiston
Jamiyat
Senator Mirabror Usmonov vafot etdi

M.Usmonov Oʻzbekiston futbol federatsiyasi hamda Milliy olimpiya qoʻmitasi raisi sifatida ham samarali faoliyat olib borib, ushbu sohalarni rivojlantirish, mamlakatimizning xalqaro nufuzini yuksaltirish borasida jonbozlik koʻrsatdi. 

Uning jamoat ishlaridagi faol ishtiroki, sogʻlom va barkamol avlodni voyaga yetkazish yoʻlidagi katta xizmatlari el-yurtimizga yaxshi maʼlum.

M.Usmonovning koʻp yillik samarali mehnati davlatimiz tomonidan munosib taqdirlandi. U “Oʻzbekiston Respublikasida xizmat koʻrsatgan yoshlar murabbiysi” faxriy unvoni, "Doʻstlik", "Mehnat shuhrati", "Fidokorona xizmatlari uchun", "El-yurt hurmati" ordenlari bilan mukofotlangan edi.

Tashabbuskor va tashkilotchi rahbar, mehribon ustoz, samimiy va kamtarin inson Mirabror Usmonovning yorqin xotirasi qalblarimizda hamisha saqlanib qoladi. 

SH.Mirziyoyev, N.Yoʻldoshev, N.Ismoilov, A.Aripov, J.Ortiqxoʻjayev, SH.Jalilov

Yangiliklar lentasi
0