Qirg‘izistonda inson umrini uzaytiruvchi yog‘ yaratildi

CC0 / Pixabay / Slivochnoe maslo
Slivochnoe maslo - Sputnik O‘zbekiston
Obuna bo‘lish
Innovatsion texnologiyalar asosida yaratilgan yangi mahsulot kelgusida Rossiya bozoriga eksport qilinishi mumkin.

TOShKENT, 27 mar – Sputnik. Qirg‘izistonda yengil hazm bo‘luvchi innovatsion yog‘ yaratildi. O‘zAning “Kabar”ga tayanib xabar qilishicha, bu haqda mamlakatning ”Millat salomatligi” milliy dasturi direktori Dmitriy Yedelev sifatli va xavfsiz oziq-ovqat masalalari bo‘yicha tashkil etilgan anjumanda ma’lum qilgan. 

Pasport i dannie grajdanina Kirgizstana. - Sputnik O‘zbekiston
Qirg‘izistonda eng uzun ismli yigit topildi

Dmitriy Yedelevning so‘zlariga ko‘ra, Qirg‘iziston yog‘ni tozalash jarayonida yuzaga keluvchi glitsidil va uning efirini taqiqlash bo‘yicha tashabbus ko‘rsatadi. 

“Glitsidil – bu juda jiddiy kanserogen bo‘lib, u Yevropa va AQShda taqiqlangan. Biroq, Yevrosiyo iqtisodiy ittifoqi (YeOII) hududida unga ruxsat berilgan. Qirg‘iziston glitsidilga taqiq qo‘yishda birinchilardan bo‘lib tashabbus ko‘rsatadi. Agar biz ratsiondan glitsidilni olib tashlasak, saratonga chalinish xavfini 37 foizga qisqartirgan bo‘lamiz”, degan u.

Dmitriy Yedelevning qo‘shimcha qilishicha, YeOII miqyosida ilk bor Qirg‘izistonda yengil hazm bo‘luvchi, kanserogenlardan holi yog‘ ishlab chiqarilgan bo‘lib, u umrni uzaytirish, yurak, qon-tomir tizimi faoliyatini yaxshilash va xolesterin miqdorini kamaytirish xususiyatiga ega. Innovatsion texnologiyalar asosida yaratilgan yangi mahsulot kelgusida Rossiya bozoriga eksport qilinishi mumkin.

Yangiliklar lentasi
0