Shavkat Mirziyoyevning Buxoroga tashrifi boshlandi

© press-slujba prezidenta UzbekistanaShavkat Mirziyoyev posetil mavzoley Abduxolika Gijduvani
Shavkat Mirziyoyev posetil mavzoley Abduxolika Gijduvani - Sputnik O‘zbekiston
Obuna bo‘lish
Davlat rahbari Abduxoliq G‘ijduvoniy maqbarasi ziyorat etdi va maqbarada amalga oshirilgan qurilish-ta’mirlash ishlarini ko‘zdan kechirdi.

TOShKENT, 29 mar – Sputnik. Prezident Shavkat Mirziyoyev 29-mart kuni Buxoro viloyati G‘ijduvon tumaniga tashrif buyurdi. Bu haqda prezident matbuot xizmati xabar qildi.

Davlat rahbari Abduxoliq G‘ijduvoniy maqbarasi ziyorat etdi va maqbarada amalga oshirilgan qurilish-ta’mirlash ishlarini ko‘zdan kechirdi. Bu yerga imom-xatiblarni jalb etib, ularga allomalar ma’naviy merosini to‘g‘ri va chuqur o‘rgatish, xalqqa yetkazish bo‘yicha topshiriqlar berdi. 

Shavkat Mirziyoyev otpravilsya v Buxarskuyu oblast - Sputnik O‘zbekiston
Shavkat Mirziyoyev Buxoroga jo‘nab ketdi

“Kitobda o‘qish boshqa, ziyorat qilib, yurakdan o‘tkazib o‘rganish boshqa. Bu joy ma’rifat markazi bo‘lishi, odamlar o‘ziga ilm olib ketishi kerak”, - dedi Shavkat Mirziyoyev.

Islom hamkorlik tashkilotining Ta’lim, fan va madaniyat masalalari bo‘yicha tashkiloti - ISESCO tomonidan Buxoro shahri 2020-yilda Islom madaniyati poytaxti deb e’lon qilindi.

Prezident bu sanaga yuqori darajada tayyorgarlik ko‘rish, uning doirasidagi tadbirlarni Abduxoliq G‘ijduvoniy tavalludining 915-yilligi va Bahouddin Naqshband tavalludining 700-yilligi bilan hamohang nishonlash, xalqaro ilmiy konferensiya o‘tkazish bo‘yicha ko‘rsatmalar berdi.

Yangiliklar lentasi
0