Sovuq suvning narxi keyinroq ko‘tariladi

Obuna bo‘lish
Monopoliyaga qarshi kurashish qo‘mitasi sovuq suvning yangi narxi 10-mayidan amalga kiritilishi lozimligi to‘g‘risida "Suvsoz”ga ko‘rsatma berdi.

TOShKENT, 27 apr  — Sputnik. O‘zbekiston Monopoliyaga qarshi kurashish qo‘mitasi sovuq suv yangi narxi 2019-yilning 10-mayidan amalga kiritilishi lozimligi to‘g‘risida “Suvsoz” DUKga ko‘rsatma berdi.

Podorojala vchera, platite segodnya: noviy tarif na xolodnoe vodosnabjenie - Sputnik O‘zbekiston
Kecha narxi oshirildi, bugun to‘lang: sovuq suv uchun yangi tarif

Buning sababi “Suvsoz” DUK tomonidan O‘zbekiston Respublikasi “Tabiiy monopoliyalar to‘g‘risida”gi Qonun talablariga amal qilinmagan.

Eslatib o‘tamiz, Toshkentda 24-apreldan sovuq suv narxi oshirilishi haqida xabar 25-aprel kuni paydo bo‘ldi.

““Suvsoz” DUK tomonidan Toshkent shahrida ichimlik suvi va kanalizatsiya xizmati tariflariga maxsus ustama haq miqdorini belgilash bo‘yicha www.suvsoz.uz veb-sayt orqali 2019-yilning 25-aprelida iste’molchilarga e’lon berilganligini inobatga olib, amalga kiritiladigan yangi narx (tarif, maxsus ustama)larni mazkur e’lon berilgan sanadan o‘n besh kundan keyin, ya’ni 2019 yining 10-mayidan amalga kiritilishi lozimligi to‘g‘risida Qo‘mita tomondan “Suvsoz” DUKga tegishli ko‘rsatma berilganligi ma’lum qilinadi,” - deyilgan qo‘mita xabarida.

Xabarda aytilishicha, O‘zbekiston Respublikasi “Tabiiy monopoliyalar to‘g‘risida”gi Qonunining 7-moddasi hamda Vazirlar Mahkamasining 2010-yil 28-oktabrdagi 239-son qarori talablarida yangi narx (tarif)lar tabiiy monopoliya subyektlari tomonidan ular kuchga kirishidan kamida o‘n besh kun avval ommaviy axborot vositalarida e’lon qilinishi belgilangan.

Schetchik vodi - Sputnik O‘zbekiston
Sovuq va issiq suv sarfini hisoblash priborlari xatlovdan o‘tkaziladi – hukumat qarori

“Suvsoz” DUK tomonidan maxsus ustama narxlari yuzasidan ommaviy axborot vositalarida e’lon berilmay, “Toshkent oqshomi” gazetasining  2019-yil 9-apreldagi 57-sonida Toshkent shahar hokimligi tomonidan 2019-yil 2-apreldagi “Toshkent shahrida ichimlik suvi ta’minoti va kanalizatsiya xizmatlari tariflariga maxsus ustama haq miqdorini belgilash to‘g‘risida”gi 499-sonli qarori chop etilganligi korxona tomonidan e’lon berilgan deb hisoblanilgan.

Bu bilan korxona tomonidan O‘zbekiston Respublikasi “Tabiiy monopoliyalar to‘g‘risida”gi Qonunining 7-moddasi talablariga amal qilinmagan.

Agar “Suvsoz” DUK tomonidan bajarilmagan taqdirda korxonaga nisbatan qonunchilikda belgilangan choralar qo‘llaniladi.

Yangiliklar lentasi
0