Qanday holatlarda transport vositasi jarima maydonchasiga joylashtiriladi?

© Sputnik / Yevgeniy Odinokov / Mediabankka o‘tishParkovka dlya invalidov v Moskve
Parkovka dlya invalidov v Moskve - Sputnik O‘zbekiston
Obuna bo‘lish
O‘zbekistonda ichki ishlar organlari tomonidan qator holatlarda transport vositalari jarima maydonchasiga joylashtirilishi mumkin.

TOShKENT, 14-may - Sputnik. Adliya vazirligi ichki ishlar organlari tomonidan transport vositalari jarima maydonchasiga joylashtirilishi mumkin bo‘lgan holatlarga oid eslatma bilan chiqdi.

Ichki ishlar organlari tomonidan quyidagi holatlarda transport vositalari jarima maydonchasiga joylashtirilishi mumkin:

• tormoz tizimida, rul boshqaruvida yoki ulovchi qurilmada nosozligi bo‘lgan yoxud ruxsatnomasiz qayta jihozlangan transportlar boshqarilganda;

• foydalanish man etilgan transport vositalari, shuningdek davlat raqami o‘zboshimchalik bilan yechib olingan transportlar boshqarilganda;

Evakuatsiya avtomobilya  - Sputnik O‘zbekiston
Toshkent ko‘chalarida 25-martdan yana bir qoida kuchga kirdi - IIBB

• davlat raqami yasama yoki o‘zgartirilgan transport vositalari, shuningdek davlat raqami shu transport vositasiga tegishli bo‘lmagan transport boshqarilganda;

• ruxsatnomasiz og‘ir vaznli, yirik gabaritli, xavfli yuklarni tashish va yuk bilan yoki yuksiz holdagi gabarit o‘lchamlari belgilangan normalardan ortiq bo‘lgan transportlarda yo‘lga chiqilganda, xuddi shuningdek ruxsatnomada ko‘rsatilgan harakat yo‘nalishidan chetga chiqilganda;

• ko‘zgusimon va (yoki) tusi o‘zgartirilgan oynali transport vositalaridan, haydovchining o‘rnidan tevarak-atrofni ko‘rishni cheklaydigan qo‘shimcha narsalar o‘rnatilgan yoki qoplamalar surtilgan transportlardan foydalanilganda;

• ruxsat olmasdan transportlarga tovush chiqaruvchi va yorituvchi qurilmalar o‘rnatilganda, shuningdek, davlat raqamini ko‘rish imkoniyatini cheklaydigan ashyolar o‘rnatilganda va qoplama surtilganda;

• to‘xtash yoki to‘xtab turish qoidalari buzilganda (agar transport vositasining haydovchisi bo‘lmasa va to‘xtash yoki to‘xtab turish qoidalarining buzilishi yo‘l harakati ishtirokchilarining harakatlanishiga xalaqit bersa);

• transport alkogolli ichimlikdan, giyovand modda ta’siridan yoki o‘zgacha tarzda mast holda boshqarilganda;

• alkogolli ichimlikdan, giyovand modda ta’siridan yoki o‘zgacha tarzda mast shaxsga transport vositasini boshqarish topshirilganda;

Avtobus so znakom Deti - Sputnik O‘zbekiston
IIBB bolalar guruhini avtobusda tashish qoidalarini tushuntirib berdi

• transportni boshqarish, unga egalik qilish, undan foydalanish, tasarruf etish huquqini tasdiqlovchi, ro‘yxatdan o‘tkazganlik to‘g‘risidagi hujjatlari, sug‘urta polisi, qonun hujjatlarida nazarda tutilgan hollarda esa litsenziya kartochkasi yoki yo‘l varaqasi yonida bo‘lmagan haydovchilar transportni boshqarganida, shuningdek ishonchnomalarni, transportni boshqa shaxsga o‘tkazish va ijaraga berish shartnomalarini ro‘yxatdan o‘tkazmasdan transport boshqarilganida;

• transportni boshqarish huquqi bo‘lmagan shaxslarning transportni boshqarganida, shuningdek boshqarish huquqi bo‘lmagan shaxsga transport vositalarini boshqarish topshirilganda;

• transportni boshqarish huquqidan mahrum etilgan shaxslar transportni boshqarganida;

• majburiy sug‘urta bo‘yicha majburiyat bajarilmaganida;

• sug‘urta polislarida belgilanmagan davrda hamda sug‘urta polislaridagi shartlarni buzgan holda transport boshqarilganda;

• haydovchilar alkogolli ichimlikdan, giyovand modda ta’siridan yoki o‘zgacha tarzda mastlik yoki mast emaslikni aniqlash uchun tekshiruvdan o‘tishdan bo‘yin tovlaganda hamda mazkur huquqbuzarlik transportni boshqarish huquqi bo‘lmagan shaxs tomonidan sodir etilganda;

Dorojnie znaki - Sputnik O‘zbekiston
O‘zbekistonda yo‘l harakati qoidalariga o‘zgartirishlar kiritildi

• yo‘l-transport hodisasi qatnashchilari hodisa yuz bergan joydan ketib qolganida;

• yo‘lovchilar litsenziyasiz tashilganda;

• haydovchilar militsiya xodimining transportni to‘xtatish, jabrlanuvchilarga yordam ko‘rsatish haqidagi qonuniy talablarini bajarmaganda;

• qonun hujjatlarida to‘g‘ridan-to‘g‘ri nazarda tutilgan boshqa hollarda.

Huquqbuzarliklar maxsus avtomatlashtirilgan foto va video qayd etish texnika vositalari orqali qayd etilganda transport vositasi (jarima solish haqidagi qaror chiqarilgan kundan e’tiboran oltmish kun o‘tgach) jarima to‘langunga qadar ushlab turiladi.

Yangiliklar lentasi
0