TOShKENT, 17-may – Sputnik. Poytaxt hokimligi matbuot xizmati xabar qilishicha, ertaga Toshkent shahridagi ayrim ko‘chalar vaqtincha yopiladi.
Xabarda aytilishicha, 18-may kuni Uchtepa tumanida Yoshlar marafoni o‘tkaziladi.
Shu munosabat bilan Farhod va Ali Qushchi ko‘chalari chorrahasidan Farhod ko‘chasi bo‘ylab Lutfiy ko‘chasiga, Katta Xirmontepa ko‘chasining Farhod ko‘chasidan Shirin ko‘chasigacha bo‘lgan qismida soat 7:30 dan 08:30 ga qadar barcha turdagi transport vositalari harakati vaqtincha to‘xtatiladi.
