Xalq ta’limi vaziriga yangi o‘rinbosar tayinlandi

© Sputnik / Ramiz BaxtiyarovPismennie prinadlejnosti
Pismennie prinadlejnosti - Sputnik O‘zbekiston
Obuna bo‘lish
O‘zbekiston prezidenti Shavkat Mirziyoyev Xalq ta’limi vaziri o‘rinbosarini tayinladi.

TOShKENT, 21-may – Sputnik. O‘zbekiston prezidenti Shavkat Mirziyoyev Xalq ta’limi vaziri o‘rinbosarini tayinladi.

Prezident qaroriga ko‘ra, Temurjon Komilov O‘zbekiston Xalq ta’limi vaziri o‘rinbosari lavozimini egalladi. U xalq ta’limi sohasida moliyaviy-iqtisodiy masalalarga mas’ul hisoblanadi.

Perviy zamestitel ministra po razvitiyu informatsionnix texnologiy i kommunikatsiy Sherzod Shermatov - Sputnik O‘zbekiston
"Hammasi oq qog‘ozdan boshlanadi": XTV rahbari tizimdagi o‘zgarishlar haqida

Xalq ta’limi vazirligi axborot xizmatining ma’lum qilishicha, Temurjon Komilov xalqaro iqtisodiy munosabatlar yo‘nalishi bo‘yicha Jahon iqtisodiyoti va diplomatiya universitetida 2004-yil bakalavriyat va 2006-yili magistraturani tamomlagan. 2005-2017 yillarda davlat organlarida faoliyat yuritgan.

2017 yildan O‘zbekiston Respublikasi Hisob palatasida ishlab kelgan. 2018-yilda u Hisob palatasining Budjet tizimi budjetlari shakllantirilishi va xarajat qismi ijro etilishini nazorat qilish sho‘’basi bosh inspektori lavozimida ishlab kelgan.

Temurjon Komilov ayni vaqtda O‘zbekiston Respublikasi Kapital bozorini rivojlantirish agentligi direktori sifatida faoliyat olib borayotgan Atabek Nazirov o‘rnini egalladi.

Eslatib o‘tamiz, Atabek Nazirov 2019-yil yanvar oyida Kapital bozorini rivojlantirish agentligi direktori etib tayinlangan.

Yangiliklar lentasi
0