Jamiyat

"Tez yordam" uchun “propiska” kerak emas – Sogʻliqni saqlash vazirligi

© XSSkoraya pomoщ, Tashkent
Skoraya pomoщ, Tashkent - Sputnik Oʻzbekiston
Obuna boʻlish
NovostiTelegram
Tez tibbiy xizmat koʻrsatishda "propiska" bilan bogʻliq masalalarning roʻkach qilinishi qonunbuzarlik hisoblanadi – SSV.

TOSHKENT, 29 may – Sputnik. Tez yordam xizmatidan foydalanish uchun “propiska” kerak emas deb xabar qildi Sogʻliqni saqlash vazirligi “Xalq soʻzi” nashriga.

Bir necha kun oldin  ijtimoiy tarmoqlarda Toshkentda tez yordam xizmati xodimlari tomonidan bemorlarni “propiska”si yoʻqligini roʻkach qilib kasalxonaga olib ketishdan voz kechish holatlari qizgʻin muhokamaga sabab boʻlgan edi.

Sogʻliqni saqlash vazirligi ushbu holatga aniqlik kiritdi:

“Tez tibbiy yordam xizmatining asosiy vazifasi fuqaroning hayotiga xavf tugʻdiradigan holatlarda birinchi tibbiy yordamni koʻrsatishdir. Ushbu tibbiy yordam barcha holatlarda – bemor Oʻzbekiston fuqarosimi yoki chet ellik mehmonmi, bundan qatʼiy nazar bepul koʻrsatiladi”, - deyilgan xabarda.  

Xabarda aytilishiga koʻra, tez yordam xodimlari chaqiriq qogʻozida bemorning “roʻyxatga olingan manzili” grafasi bor. Tez yordam xodimlari faqat “roʻyxatga olingan manzili” grafasini toʻldirish uchun “prospiska”  soʻrashi mumkin. 

Mashina skoroy pomoщi - Sputnik Oʻzbekiston
Hodisalar
Andijonda "Tez yordam" shifokori bemorning 24 mln soʻmlik buyumlarini oʻgʻirlab ketdi

“Toshkent shahriga mehmon boʻlib kelganlar va muayyan joyda vaqtinchalik roʻyxatda turuvchilarga Toshkent shahrida doimiy propiskasi boʻlgan Oʻzbekiston Respublikasi fuqarolari bilan teng tartibda tibbiy yordam koʻrsatiladi. Bu masalada qonunchiligimiz insoniylikning shu darajada choʻqqisiga chiqqanki, hattoki propiska u yoqda tursin, shaxsning fuqaroligi ham tez tibbiy yordam koʻrsatish jarayonida ahamiyatga ega emas”, - oshkent shahar tez tibbiy yordam stantsiyasi boʻlim mudiri Nasiba Mahmudova.

Bemorga joyida yordam koʻrsatilgach, shifoxonaga olib borish talab qilinadigan holatlar mavjud boʻlsa, Sogʻliqni saqlash vazirligining tegishli hujjatlariga asosan tez tibbiy yordam xodimi bemorni Toshkent shahrida joylashgan shifoxonalarga olib borishi lozim, – deydi Sogʻliqni saqlash vazirligi yuridik boʻlimi boshligʻi Ruslan Muhammadiyev.

Tez tibbiy xizmat koʻrsatishda propiska bilan bogʻliq masalalarning roʻkach qilinishi qonunbuzarlik hisoblanadi.

© XSSkoraya pomoщ
Tez yordam uchun “propiska” kerak emas – Sogʻliqni saqlash vazirligi - Sputnik Oʻzbekiston
Skoraya pomoщ
Yangiliklar lentasi
0