Har bir bola o‘z mikrohududiga biriktirilishi kerak – Xalq ta’limi vazirligi

© Sputnik / Dilshoda RaxmatovaMinistr narodnogo obrazovaniya Uzbekistana Sherzod Shermatov
Ministr narodnogo obrazovaniya Uzbekistana Sherzod Shermatov - Sputnik O‘zbekiston
Obuna bo‘lish
Mikrohududda yashovchi aholi vakillari hech qanday muammosiz o‘z farzandlarini maktabga joylash imkoniyatiga ega bo‘ladi.

TOShKENT, 19-iyun – Sputnik. Bugun Axborot va ommaviy kommunikatsiya agentligida Xalq ta’limi vazirligi mutasaddilari ishtirokida “Bolalarni davlat umumta’lim muassasalariga qabul qilish bo‘yicha davlat xizmatlari ko‘rsatishning ma’muriy reglamenti” mavzusida brifing o‘tkazildi.

Bu haqda Sputnik O‘zbekiston muxbiri xabar qildi.

Shavkat Mirziyoyev posetil shkolu imeni Muxammada Yusufa v Andijane - Sputnik O‘zbekiston
Shermatov: muhokamalarga sabab bo‘lgan qaror Konstitutsiyaga zid emas

Brifingda Xalq ta’limi vaziri Sherzod Shermatov yangi qabul qilingan qarorning maqsadi haqida to‘xtalib o‘tdi.

“Birinchi masala Toshkent shahrida 309 ta maktab bo‘ladigan bo‘lsa, maktablar orasida o‘qituvchilar  turli xil joylashgan. Shu 309 ta maktabdan 81 ta maktabda, bu 26 foiz Toshkent shahridagi 43 foiz o‘quvchisi o‘qimoqda. Bu maktablarda deyarli uch smenada, bir sinfda 50-60 bola o‘qimoqda”, - dedi Shermatov.  

Vazir aholi tomonidan juda ko‘p e’tirozlar bildiriladigan masalalar haqida aytib o‘tdi.

“Shu maktablar atrofida yashaydigan aholi bizga murojaat qiladi - mening oldimda maktab bor, lekin men bu maktabga bolamni bera olmayman. Umuman begona, boshqa oila kelib bolasini beradi. Bu qanday adolatsizlik. Buni tahlil qiladigan bo‘lsak, hozir minglab bolalar atrofidagi maktabiga kira olmagan”, - deb ta’kidladi vazir.  

Shermatovning so‘zlariga ko‘ra, yangi qarorning maqsadi - aholi farzandini o‘z mikrohududida maktabga hech qanday muammosiz, tekinga joylashtirish huquqni berish.

“Ota-onalar ko‘pincha tushunmasdan turib, majburlab maktab tilini bilmaydigan bolalarni shu maktabga joylashtirishga harakat qiladi. Bu bo‘yicha juda ko‘p o‘qituvchilar va direktorlardan  e’tirozlarni eshitdim. Til o‘rganish boshqa, lekin boshqa bilmaydigan tilda fanni o‘rganish boshqa masala. Shuning uchun, rus tiliga bo‘lgan qiziqish bo‘ladigan bo‘lsa, davlat tilida olib boriladigan maktablarda rus tilini o‘qitish sifatini oshirishimiz kerak. Rossiyalik hamkorlar bilan kelishganmiz, bu bo‘yicha ish olib borilmoqda”, - dedi Shermatov.  

Eslatib o‘tamiz, 2019-yil 7-iyun kuni Vazirlar Mahkamasining “Bolalarni davlat umumta’lim muassasalariga qabul qilish bo‘yicha davlat xizmatlarini ko‘rsatish reglamentini tasdiqlash to‘g‘risida”gi qarori qabul qilindi.

Ministr narodnogo obrazovaniya Sherzod Shermatov - Sputnik O‘zbekiston
XTV: Maktablarga yordam berish - umummilliy harakatga aylansin  

Hujjatga ko‘ra, joriy yildan boshlab talab yuqori bo‘lgan Toshkent shahridagi 81 ta maktabda qabul Davlat xizmatlari markazlari yoki Yagona interaktiv davlat xizmatlari portali orqali amalga oshiriladi.

Yangi qarorga ko‘ra, ushbu maktablarga bolalar asosiy va qo‘shimcha kvota asosida qabul qilinadi.

Tuman (shahar) hokimliklari tomonidan umumta’lim muassasalariga biriktirilgan mikrohududda istiqomat qilayotgan fuqarolarning (tegishli yilning 31-dekabriga qadar 7 yoshga to‘ladigan) farzandlari, otasi yoki onasi birinchi guruh nogironi bo‘lgan hamda yetim yoki ota-ona qaramog‘idan mahrum bo‘lgan bolalar sonini inobatga olgan holda asosiy kvota shakllantiriladi.

Umumta’lim muassasasining imkoniyatidan kelib chiqib, mikrohududdan tashqarida istiqomat qilayotgan maktab yoshdagi, mikrohudud va mikrohududdan tashqari maktab yoshiga yetmagan (tegishli yilning 1-sentabriga qadar 6 yoshga to‘ladigan), shuningdek, umumta’lim muassasalarida ta’lim berish tili bo‘yicha boshlang‘ich bilim (muloqot qilish) ko‘nikmasiga ega bo‘lmagan bolalar uchun qo‘shimcha kvota ajratiladi.

Yangiliklar lentasi
0