Gruziya telekanali boshlovchisi Putinni haqorat qilganidan so‘ng favqulodda miting boshlandi

© StringerAksiya protesta v Gruzii u telekanala Rustavi2
Aksiya protesta v Gruzii u telekanala Rustavi2 - Sputnik O‘zbekiston
Obuna bo‘lish
Gruziyaning “Rustavi2” telekanali boshlovchisi Putinni haqorat qilganidan so‘ng telekanal atrofida yuzlab odamlar to‘planib boshlovchini ishdan haydashni va telekanalni yopishni talab qila boshladi.

TOShKENT, 8-iyul – Sputnik. Yakshanba kuni kechqurun Gruziyaning yirik telekanallaridan biri hisoblangan “Rustavi-2” telekanali boshlovchisi Georgiy Gabuniya Rossiya prezidenti Vladimir Putin va uning marhum ota-onasini qattiq haqorat qilganidan so‘ng telekanal atrofida favqulodda norozilik namoyishi boshlanib ketdi, deb xabar qilmoqda Sputnik Gruziya.

© StringerAksiya protesta v Gruzii u telekanala Rustavi2
Gruziya telekanali boshlovchisi Putinni haqorat qilganidan so‘ng favqulodda miting boshlandi - Sputnik O‘zbekiston
Aksiya protesta v Gruzii u telekanala Rustavi2

Telekanal atrofida yuzlab odamlar jamlanib telekanal boshlovchisini haydashni va umumsan “Rustavi-2”ni yopishni talab qila boshlashdi. Namoyishchilarni eng qattiq g‘azabga solgan narsa – bu teleboshlovchining Putinning marhum ota-onasini haqorat qilishi bo‘ldi. Ma’lumki, Gruziyada ham O‘zbekistonda bo‘lgani kabi ota-onani juda hurmat qilishadi.  

Telekanal xodimlarining xavfsizligini ta’minlash maqsadida uning atrofi politsiya bilan o‘rab olindi. Ayni damda Gruziya rahbariyati va TIV ushbu voqeaga o‘z munosabatini bildirdi.

“Biz Rustavi-2 telekanali boshlovchisining so‘zlarin qattiq qoralaymiz. Ushbu voqeaning so‘z erkinligiga hech qanday aloqasi yo‘q, ushbu so‘zlar faqat provokatsiya bo‘lib, faqatgina Rossiya-Gruziya munosabatlarini murakkablashtirishga qaratilgan”, - deyilgan Gruziya tashqi ishlar vazirligining rasmiy bayonotida.

Gruziya prezidenti Salome Zurabishvili feysbukda ham boshlovchining ushbu so‘zlarida hech qanday vatanparvarlik hissi yo‘qligini, u o‘zining ushbu so‘zlari bilan Gruziya manfaatlariga katta zarar yetkazganini yozib qoldirgan.

“Rustavi-2” telekanali Gruziyaning sobiq prezidenti Saakashvili yetakchilk qilgan “Yagona milliy harakat” partiyasiga tegishli bo‘lgan. Ayni damda partiya barcha yo‘nalishlarda inqirozga uchragan bo‘lsada, uning ayrim vakillari haliyam provokatsiyalar uyushtirishga urinishlarini to‘xtatmagan.

Yangiliklar lentasi
0