TOShKENT, 18-iyul — Sputnik. Bugun, 18-iyul kuni ertalab Taxiatosh issiqlik elektr stansiyasida yuz bergan favqulodda vaziyat tufayli IESning ikki energiya bloki to‘xtatildi, deb xabar qilmoqda RIA Novosti O‘zbekiston Energetika vazirligiga asosan.
“Bugun soat 10:43 da taxiatosh IESining birinichi energoblokida texnik himoya ishlab ketishi natijasida to‘xtatildi. 12 soniyadan so‘ng ikkinchi energoblokda va turbogeneratorlardan birida ham himoya tizimi ishlab ketdi”, - deyilgan vazirlik xabarida.
Hozirgi vaqtda ushbu holatning sabablari o‘rganilmoqda.Energiya bloklarni ishga tushirish imkoniyati qidirilmoqda.
Xabarda aytilishiga ko‘ra, IES to‘xtashi oqibatida Xorazm ivloyatining bir necha tumanlarida va Qoraqalpog‘istonda energiya ta’minot tizimi uzilgan.
Eslatib o‘tamiz, Taxitosh IESining quvvati 730 MVt. Elektr stansiyasi tarkibida 3ta energoblok va uchta terbogenerator ishlaydi. IES O‘zbekiston g‘arbini elektr toki bilan ta’minlaydi.
Ushbu IESni zamonaviylashtirish bo‘yicha o‘tkazilgan tenderni 2016-yilda Janubiy Koreyaning Hyundai Engineering kompaniyasi yutib chiqqandi. Umumiy qiymati 700 million dollar bo‘lgan rekonstruksiya ishlari 2021-yilgacha mo‘ljallangan.
