TOShKENT, 29-iyul – Sputnik. Qozog‘istonning Olmaota shahrida 24-29 iyul kunlari bo‘lib o‘tgan MDH do‘stona armiyalarining oliy harbiy ta’lim muassasalari kursantlari musobaqadacida O‘zbekiston jamoasi uchinchi o‘rinni egalladi, deb xabar qilmoqda Sputnik muxbiri Mudofaa vazirligiga asosan.
Bellashuvda O‘zbekiston, Qozog‘iston, Armaniston, Rossiya, Qirg‘iziston, Tojikiston va Belarus Respublikalaridan jami 170 nafar kursant ishtirok etdi. Ushbu musobaqa harbiy bilim yurtlari kursantlari orasida birinchi marta o‘tkazilgan xalqaro sport o‘yinlari bo‘lib u Ikkinchi jahon urushining 75-yilligiga bag‘ishlangan.
Ishtirokchilar futbol, harbiylashgan kross, sport oriyentirlashi, qo‘l jangi va pnevmatik miltiqdan nishonga otish bo‘yicha bellashdilar. Musobaqaning yakuniy natijalarga ko‘ra, Rossiya kursantlari – 1 o‘ringa, Qozog‘iston – 2 o‘ringa va O‘zbekiston – 3 o‘ringa sazavor bo‘ldi.
Alohida musobaqalar bo‘yicha natija quyidagicha bo‘ldi:
Futbol: 1 – Rossiya, 2 – Qozog‘iston, 3 – O‘zbekiston;
Harbiylashgan kross: 1 – Qozog‘iston, 2 – O‘zbekiston, 3 – Qirg‘iziston;
Qo‘l jangi: 1 – Rossiya, 2 – O‘zbekiston, 3 – Qozog‘iston;
Miltiqdan nishonga otish: 1 – Qozog‘iston, 2 – Rossiya, 3 – Belarus, 4 - O‘zbekiston;
Sport oriyentirlashi: 1 – Rossiya, 2 – Qozog‘iston, 3 – Belarus, 4 – O‘zbekiston;