Minskda Alisher Navoiy haykali ochildi

© Sputnik / Ramiz BaxtiyarovInstitut uzbekskogo yazыka i literaturы im Alishera Navoi
Institut uzbekskogo yazыka i literaturы im Alishera Navoi - Sputnik Oʻzbekiston
Sodiq Safoyev buyuk ajdodga koʻrsatilgan hurmat va eʼtibor uchun oʻzbek xalqi nomidan Belarus prezidenti, meriyasi va Minsk jamoatchiligiga minnatdorlik bildirdi

TOSHKENT, 30 iyul - Sputnik. Belarus va Oʻzbekiston mintaqalari birinchi forumi vaqtida Minskda buyuk mutafakkir va shoir Alisher Navoiy haykali ochildi, deb xabar qilmoqda BELTA.

Goroda mira. Minsk - Sputnik Oʻzbekiston
Jamiyat
Minsk Toshkentning birodarlashgan shaharlari safiga qoʻshilmoqchi

Byust Kirov-Sverdlov-Ulyanovsk koʻchalari chegarasida joylashgan Sverdlov koʻchasidagi skverda oʻrnatilgan. Yodgorlik eskiz loyiha asosida yosh haykaltarosh Maksim Makarevich tomonidan yaratilgan.

Tadbirda Belarus Milliy yigʻini Respublika kengashi raisining oʻrinbosari Marianna Щetkina, Oliy Majlis Senati raisining birinchi oʻrinbosari Sodiq Safoyev, Minsk shahar ijroiya qoʻmitasi raisi Aleksandr Krepaklar ishtirok etgan.

Sodiq Safoyev soʻzlariga koʻra, oʻzbek xalqining buyuk oʻgʻloniga birodar Belarus respublikasi poytaxtida oʻrnatilgan haykal ochilish marosimida qatnashish katta sharaf. Sodiq Safoyev buyuk ajdodga va oʻzbek xalqi madaniyatiga koʻrsatilgan hurmat va eʼtibor uchun oʻzbek xalqi nomidan Belarus prezidenti, meriyasi va Minsk jamoatchiligiga minnatdorlik bildirdi.

Mirziyoyev 31 iyul kuni Belarusga tashrif buyuradi >>>

"Alisher Navoiy har bir oʻzbek yuragida alohida oʻrin egallagan. Uning ijodi xalqimiz madaniyatida oʻchmas iz qoldirgan. U insonga xos eng olijanob hislatlarni, oʻz vataniga va xalqiga, oʻz ona tiliga boʻlgan muhabbatni buyuk shoirga xos mukammallik bilan madh etgan. Alisher Navoiy oʻzbek tilining soʻz bilan ifodalab boʻlmas obrazli dunyosi jilosini kashf qilgan buyuk ajdodimizdir. U ulugʻ maʼrifatparvar, oʻz davrining yetuk davlat arbobi boʻlgan, olimlar va faylasuflarni, rassomlarni qoʻllab-quvvatlagan va oʻz choʻntagidan 380ta jamoatchilik inshootlarini va mahobatli binolarni qurdirgan. U qoldirgan meros jahon madaniyatining uzviy bir boʻlagidir", - deb aytgan Safoyev.

Eslatib oʻtamiz, Belarus va Oʻzbekiston mintaqalari birinchi forumi dushanba kuni Minskda ochilgan edi.

Minsk va Toshkent forum davomida 15ga yaqin bitim va shartnomalarni imzolashi taxmin qilinmoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala