Minskda 29-30 iyul kunlari birinchi Belarus va O‘zbekiston mintaqalararo forum o‘tkazilmoqda. Hamkorlikning asosiy yo‘nalishlari - tibbiyot, yengil sanoat va xom ashyo resurslari.
Davlatlar o‘rtasida traktorlar ishlab chiqarish sohasida kelishuvga erishilgan, shuningdek “BelAz” va “Maz” korxonalar o‘zaro hamkorlik qilmoqda.
Ekspert fikriga ko‘ra, O‘zbekiston yaxshi xom ashyo resurslariga ega, shu jumladan paxta, bu Belarus yengil sanoati uchun juda qiziq.
Mutaxassisning to‘liq izohini quyidagi podkast orqali rus tilida tinglashingiz mumkin.
Eslatib o‘tamiz, Shavkat Mirziyoyev Aleksandr Lukashenkoning taklifiga binoan 2019-yil 31-iyul – 1-avgust kunlari rasmiy tashrif bilan Belarusga keladi.
Oliy darajadagi O‘zbekiston-Belarus muloqotining davomi sifatida Minsk shahrida siyosiy, savdo-iqtisodiy, investitsiyaviy, madaniy-gumanitar va boshqa sohalardagi ikki tomonlama hamkorlikning holati va istiqbollarini, shuningdek, mintaqaviy va xalqaro ahamiyatga molik dolzarb masalalarni muhokama qilish rejalashtirilgan.
Muzokaralar yakunida davlat rahbarlarining Qo‘shma bayonoti imzolanishi hamda O‘zbekiston va Belarus o‘rtasidagi ko‘p qirrali sheriklikni, jumladan, investitsiyalar, ishlab chiqarish, ilmiy-texnik kooperatsiya sohalarida hamkorlikni kengaytirishga, hududlar o‘rtasida to‘g‘ridan-to‘g‘ri aloqalar o‘rnatishga mustahkam asos yaratadigan salmoqli hujjatlar to‘plami qabul qilinishi kutilmoqda.
