Jamiyat

Oʻzbekistonda suv tejovchi texnologiyalar uchun subsidiya ajratiladi

CC0 / pixabay.com / Orosheniye zemli
Orosheniye zemli - Sputnik Oʻzbekiston
Meva mahsulotlari ishlab chiqaruvchilarning yangi tashkil etilgan bogʻ va issiqxona xoʻjaliklarida suv tejovchi texnologiyalarini joriy qilishga ketgan xarajatlarining bir qismini qoplab berish tartibi belgilandi.

TOSHKENT, 13 avg – Sputnik. Meva mahsulotlari ishlab chiqaruvchilarning tomchilatib va yomgʻirlatib sugʻorish asosidagi suv tejovchi texnologiyalarni joriy qilishga ketgan xarajatlarini qoplab berish tartibi toʻgʻrisidagi nizom tasdiqlandi.

Kran - Sputnik Oʻzbekiston
Iqtisod
Toshkentda 24 avgustdan boshlab sovuq suv narxi oshadi

Nizom bilan, meva mahsulotlari ishlab chiqaruvchilarning yangi tashkil etilgan bogʻ va issiqxona xoʻjaliklarida suv tejovchi texnologiyalarini joriy qilishga ketgan xarajatlarining bir qismini qoplab berish tartibi belgilandi.

2019 yil va undan keyingi yillardagi xarajatlarini qoplash boʻyicha quyidagi miqdorda subsidiya ajratiladi:

- tomchilatib va yomgʻirlatib sugʻorish texnologiyasi joriy qilingan 1 gektar maydon uchun bir martalik 6 million soʻmdan oshmaydigan miqdorda;

- maydoni 35 gektardan ziyod bogʻlarda suv chiqarish uchun burgʻulangan quduqni, shuningdek, daryolar, kanallar va boshqa suv havzalaridan suv tortish uchun nasos stantsiyasini qurishga 120 million soʻmdan oshmaydigan miqdorda.

Subsidiya mablagʻlari 2019 yilda Bogʻdorchilik va issiqxona xoʻjaligini rivojlantirish agentligi huzuridagi jamgʻarma hisobidan, 2020 yildan boshlab esa jamgʻarma hamda davlat byudjetidan teng ulushlarda ajratiladi.

Selxozugodya v Uzbekistane - Sputnik Oʻzbekiston
Jamiyat
Qishloq xoʻjaligida yer va suv resurslaridan foydalanishga doir farmon imzolandi

Xarajatlarning bir qismini qoplash istagini bildirgan ishlab chiqaruvchilar hududiy qishloq xoʻjaligi boshqarmalariga quyidagi hujjatlarni taqdim etadi:

- sugʻorish texnologiyasini joriy qilish boʻyicha vakolatli loyiha institutining loyihasi;

- tijorat banki bilan tuzilgan kredit shartnomasi hamda kredit ajratilganligini tasdiqlovchi hujjat nusxasi;

- pudrat tashkilotlari bilan tuzilgan shartnoma nusxasi;

- amalga oshirilgan xarajatlarni tasdiqlovchi hujjatlar nusxalari.

Qishloq xoʻjaligi vazirligi har yili 1 mayga qadar kelgusi yilda sugʻorish texnologiyasini joriy qilish boʻyicha meva mahsulotlari ishlab chiqaruvchilarning yakuniy roʻyxatini shakllantirib hukumatga taqdim etadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala