Jamiyat

Oʻzbekiston havo floti kunida Mudofaa vazirligi  aviashou oʻtkazdi

© Ministerstvo oboronыPrazdnovaniye Dnya vozdushnogo flota
Prazdnovaniye Dnya vozdushnogo flota - Sputnik Oʻzbekiston
Oʻzbekiston havo floti kuni munosabati bilan Chirchiqda harbiy aviashou hamda tantanali taqdirlash marosimi oʻtkazildi.

TOSHKENT, 18 avg – Sputnik. Oʻzbekiston Mudofaa vazirligi Havo hujumidan mudofaa qoʻshinlari va Harbiy havo kuchlari qoʻmondonligi tomonidan “Chirchiq” poligonida tantanali tadbir oʻtkazildi.

Tadbirda soʻz olganlar sohaning bugungi kundagi rivoji, ushbu yoʻnalishda hayotga tatbiq etilayotgan islohotlar xususida toʻxtalib, soha fidoyilarini kasb bayrami bilan samimiy qutladi. Marosimda yigʻilganlar uchun zamonaviy uchish texnikalari namoyish etildi va oʻziga xos aviashou tashkil qilindi.

Shuningdek, tadbir boshida harbiy uchuvchilarni yod etish monumentiga tashrif buyurilib, marhum uchuvchilar xotirasiga hurmat bajo keltirildi. Yodgorlik monumenti yonida Qurolli Kuchlar akademiyasi harbiy orkestrining musiqiy chiqishlari yigʻilganlarga oʻzgacha kayfiyat bagʻishladi.

Undan tashqari, marosimda mudofaa vazirligining bir qator masʼul ofitserlari, davlat va jamoat tashkilotlari vakillari hamda fuqarolar ishtirok etdi. 

© Ministerstvo oboronыPrazdnovaniye dnya vozdushnogo flota
Oʻzbekiston havo floti kunida Mudofaa vazirligi  aviashou oʻtkazdi - Sputnik Oʻzbekiston
Prazdnovaniye dnya vozdushnogo flota

Marosimda harbiy havo kuchlari qoʻmondonligining bir guruh harbiy xizmatchilariga Mudofaa vazirligining «Namunali xizmati uchun» koʻkrak nishoni, faxriy yorliq hamda qimmatbaho sovgʻalari topshirildi.

Eslatib oʻtamiz, har yil avgust oyining uchinchi yakshanbasida Oʻzbekiston aviatsiyasi tashkil qilingan kun nishonlanadi. Ushbu kun Oʻzbekiston havo floti sohasida ishlayotgan xodimlarning kasb bayrami hisoblanadi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala