TOShKENT, 29 avg – Sputnik. O‘zbekiston Tashqi ishlar vaziri Abdulaziz Kamilov O‘zbekistonda diplomatik faoliyatini yakunlayotgan Eron elchisi Bahman Do‘rmoniyni qabul qildi.
Vazir elchini qutlar ekan, uni O‘zbekistondagi to‘rt yillik missiyasi muvaffaqiyatli yakunlayotganligi bilan tabrikladi hamda uning faoliyati samarali bo‘lgani, O‘zbekiston—Eron munosabatlarini mustahkamlash va kengaytirishga xizmat qilganini qayd etdi. Savdo-iqtisodiy, investitsion aloqalar va madaniy-gumanitar almashinuvlar faollashdi.
TIV xabarida qayd etilishicha, joriy yil yanvar—iyun oylarida o‘zaro tovar ayirboshlash hajmi 213,8 million dollarni tashkil etib, 2018-yilning shu davriga nisbatan qariyb 40 foizga oshgan.
O‘zbekiston Erondan Xitoygacha bo‘lgan transport yo‘lagiga qo‘shildi
O‘z navbatida elchi O‘zbekistondagi missiyasini muvaffaqiyatli amalga oshirish uchun yaratilgan qulay sharoitlar uchun minnatdorlik bildirdi.
