Usmonov fondi "MISiS" filiali faoliyatini moliyalashtirishda davom etadi

© Sputnik / Ramil Sitdikov / Mediabankka o‘tishBiznesmen Alisher Usmanov
Biznesmen Alisher Usmanov - Sputnik O‘zbekiston
Obuna bo‘lish
Milliarder asos solgan jamg‘arma o‘z oldiga Olmaliqdagi "MISiS" filiali o‘quv jarayoniga chet ellik yetakchi soha mutaxassislarini jalb etishni, shuningdek, ushbu ta’lim dargohining material-texnik hamda axborot-resurs bazasini kuchaytirishni maqsad qilib olgan.

TOShKENT, 6 sen - Sputnik. Taniqli biznesmen va metsenat Alisher Usmonov asos solgan "San’at, ilm va sport" xayriya jamg‘armasi "MISiS" Milliy texnologik tadqiqotlar universiteti Olmaliq filialiga uning faoliyatini yaxshilash va dars sifatini oshirishda har tomonlama yordam berishda davom etadi. Bu haqda tashkilotning bosh ofisi ma’lum qildi.

MISiS filiali tantanali ochilish marosimi. - Sputnik O‘zbekiston
MISiS filialining tantanali ochilishi - eng yorqin foto-suratlar

Xabarda ta’kidlanishicha, O‘zbekistondagi "MISiS" filiali loyihasini amalga oshirish jamg‘armaning eng muhim va ustuvor yo‘nalishlaridan biri hisoblanadi va qisqa vaqt ichida tashkilot O‘zbekiston tomoni bilan ushbu masalada hamkorlikni kuchaytirishni o‘z oldiga maqsad qilib qo‘ygan.

Xususan, jamg‘arma o‘quv jarayoniga chet ellik yetakchi soha mutaxassislarini jalb etish, shuningdek, ushbu ta’lim dargohining material-texnik hamda axborot-resurs bazasini kuchaytirishni maqsad qilib olgan.

Shu kunlarda Olmaliqdagi "MISiS" filiali 100 Mbit/s. tezlikka ega bo‘lgan Internet tarmog‘iga ulangan. Natijada, oliygoh xalqaro ilmiy va ilmiy-tadqiqot ishlari elektron bazalari va kataloglarga, ilmiy va badiiy adabiyotlarga onlayn ulanishga muvaffaq bo‘lgan.

Eslatib o‘tamiz, Olmaliq shahrida MISiS filiali ochilish marosimi 2018-yilning oktabr oyida bo‘lib o‘tgan edi.

Tantanali ochilish marosimida RF Fan va oliy ta’lim vaziri Mixail Kotukov, O‘zbekiston oliy va o‘rta maxsus ta’lim vaziri Inomjon Majidov, "MISiS" MTTU rektori Alevtina Chernikova, OTMK boshqaruvi raisi Abdullo Xursanov ishtirok etgan.

Yangiliklar lentasi
0