TOShKENT, 13 sen – Sputnik. Baxtiyor Shomurodov Sergeli tumani hokimi etib tayinlandi. Bu haqda Toshkent shahar hokimligi matbuot xizmati xabar qildi.
Bugunga qadar Baxtiyor Abduvohidovich Shomurodov Yakkasaroy tumani hokimi bo‘lib ishlab kelgan. Unga qadar davlat soliq qo‘mitasi, Toshkent shahar va Sergeli tuman hokimliklarida, Toshkent shahar Turizmni rivojlantirish departamentida rahbarlik lavozimlarida ishlab kelgan.
Eslatib o‘tamiz, avvalroq deputatlar Sergeli tumani hokimi lavozimida ishlab kelgan Nozim Husanov nomzodini Bandlik va mehnat munosabatlari vaziri lavozimiga ma’qullashgani xabar qilingan edi.
