TOShKENT, 13 sen – Sputnik. Toshkentda YPX inspektori xizmat avtomobilida piyodani urib yubordi, jabrlanuvchi shifoxonaga yotqizildi.
Toshkent shahar IIBB xabariga ko‘ra, 12-sentabr kuni taxminan soat 8.00 da Chilonzor tumani Bunyodkor ko‘chasida YPX inspektori kichik serjant B.K. “Lasetti” rusumli xizmat avtomobilida o‘z xizmat vazifalarini bajarish davomida, belgilanmagan joydan yo‘lni kesib o‘tayotgan piyodani urib yuborgan. Natijada xodim boshqaruvni yo‘qotib, yo‘l chetida turgan, 48 yoshli Zafar U.ga tegishli bo‘lgan “Lasetti” rusumli avtomobilga to‘qnashgan.
“YTH natijasida 46 yoshli Zafar A. tan shikastlari bilan tibbiy yordamga murojaat qilgan. Hozirgi vaqtda shifokorlar uning holatini qoniqarli deb baholamoqdalar”, - deyiladi xabarda.
Ushbu fakt bo‘yicha IIBB xodimiga nisbatan olib borilayotgan xizmat tekshiruvi davomida YTH sababi aniqlanadi.
