Hodisalar

Afgʻonistonga uzatilayotgan elektr taʼminoti toʻxtatilgani haqidagi xabarga izoh berildi

© Sputnik / Mixail Voskresenskiy / Mediabankka oʻtishSituatsiya v Sirii
Situatsiya v Sirii - Sputnik Oʻzbekiston
Obuna boʻlish
NovostiTelegram
Ommaviy axborot vositalarida chop etilgan maʼlumotlarga koʻra, Afgʻonistonda elektr tarmoqlari portlashlari oqibatida Oʻzbekistondan uzatilayotgan elektr taʼminoti toʻxtatilgan.

TOSHKENT, 16 sen — Sputnik. Afgʻonistonda elektr tarmoqlari portlashlari oqibatida Oʻzbekistondan uzatilayotgan elektr taʼminoti toʻxtatilgani haqidagi xabarlarga Energetika vazirligi munosabat bildirdi.

Maʼlum qilinishicha, Energetika vazirligi huzuridagi Oʻzbekiston Milliy elektr tarmoqlariga Afgʻonistonda elektr uzatish tarmoqlari (tarmoq ustunlari) portlatilgani haqida Afgʻonistondagi xaridorlardan hech qanday maʼlumot yoki xabar kelib tushmagan.  Mavjud shartnoma asosida Afgʻonistonga uzilishlarsiz elektr energiyasi yetkazilib bermoqda (1 sutkada taxminan 1,5 mln. KVt/soat).

Taʼkidlanishicha, 2019 yil 14 sentyabr soat 14:00dan keyin Oʻzbekistondan Afgʻonistonga uzatilayotgan energiya miqdorini qabul qilish darajasida keskin tushish holati roʻy bergan. Bu odatdagida qariyb 3 marta kam ekanligi qayd etilgan.

Ismatulla Irgashev, Spetsialnыy predstavitel Prezidenta Respubliki Uzbekistan po Afganistanu - Sputnik Oʻzbekiston
Siyosat
Irgashev: Oʻzbekistonning barcha sayi-harakatlari Afgʻonistonda tinchlik oʻrnatishga qaratilgan

“Taxminimizcha, ayrim sabablarga koʻra taʼminoti uzilgan elektr tarmogʻi Afgʻoniston isteʼmolchilari Tojikiston Respublikasidan xarid qiladigan havo liniyalarida sodir boʻlgan boʻlishi mumkin. Agar ushbu taxmin toʻgʻri boʻlsa, tojikistonlik va afgʻonistonlik mutaxassislar taʼmirlash ishlarini qachon va qay tartibda amalga oshirishidan bexabarmiz”, - deyiladi xabarda.

Eslatib oʻtamiz, Oʻzbekiston va Afgʻoniston “Surxon – Puli-Xumri” LEP-500 -  elektr uzatish liniyasi loyihasini imzolagan. Ushbu elektr uzatish liniyasining dastlabki qiymati 150 million dollar boʻladi va undan 32 millioni Oʻzbekiston ichida amalga oshiriladigan ishlar uchun qolgan 118 millioni Afgʻonistonda bajariladigan ishlarga sarflanadi. Elektr uzatish liniyasi uzunligi 260 kilometrni tashkil qiladi, undan 45 kilometri Oʻzbekiston hududi boʻylab, 215  kilometri – Afgʻoniston hududi boʻylab oʻtadi. Loyiha oʻzini qoplash muddati – 12 yil, oʻtkazish quvvati – 1000 MVt. Yaʼni undan qoʻshni mamlakatga kuniga 24 mln Vt/soat, yiliga esa 6 mlrd kVt/soat energiya yetkazib berish mumkin.

Oʻzbekiston Afgʻonistonga 2002 yildan buyon elektr energiyasi yetkazib beradi. 2002 yilda 62 mln kVt/soat boʻlsa 2018 yilda yetkazib berilgan energiya hajmi – 2 mlrd. kVt/soatga yetdi.

Yangiliklar lentasi
0