TOShKENT, 1 okt – Sputnik. Bugun Toshkentning Ko‘kcha mavzeidagi Nurafshon mahallasida 4ta yonma-yon joylashgan uylar yonib ketdi. Bu haqida Sherzod Qudratxo‘jayev o‘zning Facebookdagi sahifasida xabar qildi.
Qudratxo‘jayev aytishiga qaraganda, ushbu uylar kam ta’minlangan oilalarga qarashli bo‘lgan va qishgacha, yog‘ingarchilik boshlanganicha uylarini yopib olishlari uchun yordam kerak. Jabrlanganlar har qanday yordamni qabul qilishga tayor: hoh u oziq-ovqat bo‘lsin, xoh ishchi kuchi, qurilish materiallari yoki pul mablag‘lari.
Eslatib o‘tamiz, yil boshidan buyon O‘zbekistonda 7,5 mingdan ortiq yong‘inlar sodir bo‘lgan. Ularda 76 kishi halok bo‘lgan va 208 kishi tan jarohati olgan.
