Jamiyat

Bojxona qoʻmitasi chegaradagi tirbandlik toʻgʻrisidagi xabarlarga munosabat bildirdi

© Sputnik / Tabыldы Kadыrbekov / Fotobankka oʻtishGranitsa mejdu Kыrgыzstanom i Kazaxstanom
Granitsa mejdu Kыrgыzstanom i Kazaxstanom - Sputnik Oʻzbekiston
Ijtimoiy tarmoqlarda Qozogʻistonning “Tajen” chegara bojxona postidan Qoraqalpogʻiston “Daut-ota” chegara bojxona postiga kirishda 40 ta “fura” tirbandlik sababli navbatda turganligi toʻgʻrisida xabarlar tarqaldi.

TOSHKENT, 2 okt - Sputnik. 1 oktyabr kuni ijtimoiy tarmoqlarda Qozogʻiston Respublikasining “Tajen” chegara bojxona postidan Qoraqalpogʻiston Respublikasi “Daut-ota” chegara bojxona postiga kirishda 40 ta yuk mashinasi tirbandlik sababli navbatda turganligi toʻgʻrisidagi xabarlarga Davlat bojxona qoʻmitasi munosabat bildirdi.

Qayd etilishicha, bojxona chegarasi orqali harakatlangan avtotransport vositalari soni tahlil qilinganda, sentyabr oyi yakuni boʻyicha ularning harakati oʻtgan davrga nisbatan keskin oshganligi kuzatilgan.

“Bojxona posti orqali oʻtish uchun kelgan avtotransport vositalari zamonaviy nazorat-texnik vositalardan samarali foydalangan holda tezkorlik bilan, hech bir moneliksiz va sunʼiy toʻsiqlarsiz bojxona nazoratidan oʻtkazilmoqda”, - deyiladi xabarda.

Furы vыstroilis v ochered na granitse - Sputnik Oʻzbekiston
Iqtisod
Qozogʻistonda Oʻzbekiston bilan chegaradagi tirbandlik sababini maʼlum qilishdi

Maʼlum qilinishicha, bugungi kunda mamlakatning chegara bojxona postlari orqali kuniga oʻrtacha 130 ming fuqaro, 6 000 taga yaqin avtotransport vositalari harakatlanayotgan boʻlib, shundan 2 300 ­tasi yuk avtotransport vositalari, 3 700 tasi esa yengil avtotransport va avtobuslarni tashkil etadi.

Birgina, “Daut-ota” chegara bojxona posti orqali sentyabr oyi boshida har kuni oʻrta hisobda 150 ta yuk avtotransport vositalari bojxona rasmiylashtiruvidan oʻtkazilgan boʻlsa, 26-30 sentyabr kunlari davomida har kuni oʻrta hisobda 230 ta yuk avtotransport vositalari bojxona rasmiylashtiruvidan oʻtkazilgan.

Xabarda chegara bojxona postlarida avtotransport vositlari tirbandligi holatlarini oldini olish maqsadida bojxona organlari tomonidan barcha zarur choralar koʻrilayotgani qoʻshimcha qilingan. Bu masalada qoʻshni davlatlar bojxona xizmatlari bilan ham hamkorlikda ishlar tashkillashtirilgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala