TOShKENT, 12 okt – Sputnik. Saratov viloyati Petrovsk tumanida yuz bergan yo‘l-transport hodisasi oqibatida O‘zbekiston fuqarosi M.S. halokat joyida vafot etdi. Bu haqda TIV xabar qildi.
Rossiya FVVning Saratov viloyati bo‘yicha bosh boshqarmasining ma’lum qilishicha, hodisa 12-oktabrga o‘tar kechasi sodir bo‘lgan. Shuningdek, YTH oqibatida 5 nafar o‘zbekistonlik jarohat olgan.
Hozir ular tuman kasalxonasiga joylashtirilgan.
O‘zbekistonning Qozon shahridagi bosh konsulxonasi mazkur vaziyatni o‘z nazoratiga oldi hamda marhumaning jasadini vatanga yuborish bilan bog‘liq konsullik-huquqiy va tashkiliy masalalar bilan shug‘ullanmoqda.
