O‘zbekiston Olimpiya terma jamoasi (U-19) Tailand jamoasi ustidan g‘alaba qozondi. Ushbu o‘yinning qo‘shimcha vaqtida Jasur Jaloliddinov tomonidan urilgan “shedevr” gol jamoaga g‘alaba olib keldi. O‘zbekiston Futbol assotsiatsiyasi xabariga asosan.
Eslatib o‘tamiz, terma jamoaning yarim himoyachisi Jasur Jaloliddinov “Bunyodkor” jamoasi a’zosidir. The Guardian yozishiga ko‘ra, 2002-yilda tug‘ilgan Jaloliddinov 2002-yilda tug‘ilgan futbolchilar orasida dunyoda eng istiqbolli o‘yinchilardan biridir.
Ushbu mavsumda Jasur 19ta o‘yin o‘tkazib ularda 2ta gol urgan. Britaniya nashri xabarida aytilishiga ko‘ra, unda taktik o‘yin va uzoq masofaga to‘p uzatish qobiliyatlari kuchli.
Guardian Jaloliddinovni "Barselona"ning Anssumane Fati, "Inter"ning Lyusyen Agum, "PSJ"ning Adil Aushish va Nyanzu Kuassi, "Bavariya"ning Malik Tillman, "Real Madrid"ning Andri Lukas Gudonsen va "Yuventus"ning Pablo Moreno kabi o‘yinchilari qatoriga qo‘shgan.
