Moskvada 1-yanvardan patent narxi oshadi

Obuna bo‘lish
Moskvada 2020-yilning birinchi yanvaridan boshlab xorijiy fuqarolar uchun patent to‘lovlari miqdori 350 rublga oshadi.

TOShKENT, 20 okt –Sputnik. Moskvada 2020-yilning 1-yanvaridan patent to‘lovlari narxi 350 rublga oshadi, deb xabar qilmoqda Rossiya IIVning Migratsiya boshqarmasi.

“Moskva hukumati  federal qonunchilikning taaluqli bandiga o‘zgarish kiritdi. 2020-yilning 1-yanvaridan boshlab xorijiy fuqarolarga mehnat qilish huquqi beruvchi patent to‘lovi miqdori oyiga 5350 rubl bo‘ladi”, -  deyilgan xabarda.

Ma’lumot uchun, 2018-yilda patent to‘lovi miqdori oyiga 4500  rublni, 2019-yilda – 5000 rublni tashkil qilgan edi. O‘tgan yilda Moskvada berilgan patentlar soni 450 mingtani tashkil qildi. Patent to‘lovlari hisobidan shahar budjetiga tushgan to‘lovlar miqdori 17,4 milliard rubl bo‘ldi.

Yangiliklar lentasi
0