TOShKENT, 30 okt - Sputnik. Valday klubining o‘ninchi Osiyo anjumani "Markaziy Osiyo va Yevroosiyo: global tartibsizlik chaqirig‘i qarshisidagi ko‘pqirrali hamkorlik" mavzusida 10-11 noyabr kunlari Samarqandda bo‘lib o‘tadi. Klub bu bilan o‘z faoliyatidagi sharqona vektorni davom ettirmoqda.
O‘zbekiston Respublikasi prezidenti qoshidagi Strategik va mintaqalararo tadqiqotlar instituti hamkorligida tashkil etilayotgan anjumanda 11 ta davlat: Rossiya, O‘zbekiston, Germaniya, Qozog‘iston, Qirg‘iziston, Xitoy, Tojikiston, Filippin, Shvetsiya, Yaponiya va Hindistondan 60dan ortiq yetakchi ekspertlar ishtirok etishadi.
Ikki kun davom etadigan anjuman dasturidan Rossiya - O‘zbekiston ikkiyoqlama sessiyasi, shuningdek, xorijiy eskpertlar ishtirokidagi sessiyalar ham ko‘zda tutilgan.
Sessiyalarda asosiy e’tibor: mintaqaning jahondagi masalalardagi roli, iqtisod orqali birgalikdagi hamkorlik, kelajakka doir yondashuvlar masalalariga qaratiladi.
