Iqtisod

Mirziyoyev: asosiy vazifamiz - xalqqa munosib ish oʻrinlari yaratib, daromadlarni oshirish

© Press-slujba prezidenta UzbekistanaShavkat Mirziyoyev provel soveщaniye po chistote territoriy i zdorovyu naseleniya
Shavkat Mirziyoyev provel soveщaniye po chistote territoriy i zdorovyu naseleniya - Sputnik Oʻzbekiston
Prezident boshchiligida makroiqtisodiy koʻrsatkichlar, soliq-byudjet siyosati va 2020 yilga moʻljallangan parametrlar koʻrib chiqildi.

TOSHKENT, 31 okt – Sputnik. Oʻzbekiston prezidenti Shavkat Mirziyoyev makroiqtisodiy koʻrsatkichlar, soliq-byudjet siyosati, davlat byudjetining joriy yilda kutilayotgan ijrosi va 2020 yilga moʻljallangan parametrlar muhokamasiga bagʻishlangan yigʻilish oʻtkazdi. Bu haqda davlat rahbari matbuot xizmati xabar qildi.

Yigʻilishda mamlakat iqtisodiyotining asosiy makroiqtisodiy koʻrsatkichlari, kelgusi yilga moʻljallanayotgan prognoz parametrlari, iqtisodiyotga taʼsir etishi mumkin boʻlgan ichki va tashqi omillar chuqur tahlil qilindi. 

Xalqaro ekspertlar, xususan Xalqaro valyuta jamgʻarmasi joriy yilda jahon yalpi mahsuloti oʻsishi dastlabki prognozga nisbatan 1 foizgacha kamayib, 3 foiz boʻlishini baholagan. Mamlakatning asosiy savdo hamkorlari boʻlgan davlatlarda ham iqtisodiy surʼatlar sustlashgan. Jahon bozorida raqobat tobora kuchayib, iqtisodiy urushlar davom etmoqda. Bu omillar Oʻzbekiston iqtisodiyotiga taʼsir etmay qolmaydi.

Shavkat Mirziyoyev v xode poyezdki v Samarkandskuyu oblast posetil fermerskoye xozyaystvo Pure milk Oqdaryo v Akdarinskom rayone - Sputnik Oʻzbekiston
Iqtisod
Shavkat Mirziyoyev uni har kuni qaysi savol qiynashini maʼlum qildi

Prezident makroiqtisodiyot va davlat byudjeti parametrlarini ushbu xavf-xatarlarni hisobga olib belgilash lozimligini taʼkidladi.

“Iqtisodiyot tarmoqlarini “oyoqqa turgʻazish”, raqobatbardosh qilish uchun keyingi ikki yilda ularga barcha imkoniyatlar berildi. Biroq, bu imkoniyatlardan foydalanib, qaysi tarmoq mehnat unumdorligini oshirdi, mahsulotlar raqobatbardosh boʻlishi va eksport tarkibida tayyor mahsulotlar ulushi koʻpayishini taʼminlay oldi? Afsuski, birorta tarmoqni bugungi kunda “zoʻr ishladi yoki yuqori natija berdi”, deb ayta olmaymiz”, – dedi Shavkat Mirziyoyev. 

Iqtisodiyot tarmoqlaridagi tizimli muammolar, inflyatsiya darajasining 16 foizdan pasaymagani aholi toʻlov qobiliyatiga salbiy taʼsir etayotgani koʻrsatib oʻtildi.

“Asosiy vazifamiz – xalqimizga munosib ish oʻrinlari yaratgan holda, daromadlarni oshirish. Joylarda iqtisodiy faol aholi koʻp. Odamlarimiz daromad topib, turmush sharoitini yaxshilash uchun mehnat qilishni xohlamoqda. Buning uchun aholi toʻlov qobiliyatini oshirish va bozorda mahsulotlarga barqaror talab shakllantirish orqali ishlab chiqarish hajmini koʻpaytirish va iqtisodiy oʻsishni taʼminlashimiz kerak, – deya taʼkidladi davlat rahbari. 

Misol uchun, qandolat, tayyor sut va goʻsht mahsulotlari, sharbat va salqin ichimliklar ishlab chiqarish boʻyicha 100 dan ziyod muhim investitsiya loyihalarining amalga oshirilishi natijasida isteʼmol talabi qondirilib, inflyatsiya meʼyorlashishi mumkinligi qayd etildi.

Oziq-ovqat, goʻsht, un va qandolat mahsulotlari, kiyim-kechak, charm-poyabzal, elektrotexnika, farmatsevtika ishlab chiqarish hajmini 2020 yilda sezilarli koʻpaytirish boʻyicha kompleks chora-tadbirlar rejasi ishlab chiqish boʻyicha topshiriqlar berildi.

Inflyatsiya darajasiga taʼsir etayotgan yana bir omil mahsulotlar tannarxi yuqoriligidir. Shu bois mutasaddilarga davlat ulushi boʻlgan barcha korxonalarda mahsulot tannarxini tahlil qilib, quvvatlarni modernizatsiya qilish va kengaytirish, zarur hollarda xususiy sektorga berish boʻyicha vazifalar qoʻyildi. 

Shavkat Mirziyoyev predlojil usilit kontrol za investitsiyami - Sputnik Oʻzbekiston
Iqtisod
Eksport, investitsiya va ishlab chiqarishni mahalliylashtirish masalalari muhokama qilindi

Kelgusi yilda 153 ta yirik investitsiya loyihasini shunchaki foydalanishga topshirish emas, balki raqobatbardosh mahsulot ishlab chiqarib, yalpi ichki mahsulot hajmi va ish oʻrinlarini koʻpaytirish muhimligi qayd etildi.  

Oxirgi yillarda tashkil etilgan 23 ta korxona past quvvatlarda ishlayotgani, rejalashtirilgan ayrim loyihalar oʻz vaqtida faoliyat boshlamagani tanqid qilindi. 

Vazirlar Mahkamasiga iqtisodiy oʻsish va eksport salohiyatini oshirishga xizmat qiladigan, byudjetga tushumlarni koʻpaytiradigan investitsiya loyihalarini shakllantirishga masʼul boʻlgan doimiy Ishchi komissiya tuzish, investitsiya loyihalari va ishlab chiqarish koʻrsatkichlari ijrosini muhokama qilib borish boʻyicha topshiriq berildi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala