Video

Toshkentda hali bunaqasi boʻlmagan: ilk MMA turnirining yorqin lahzalari

Oʻzbekistonda ilk bor aralash jang sanʼatlari boʻyicha GFC-20 turniri oʻtkazildi. Muxlislar ajoyib janglar guvohi boʻlishdi.

Bunga oʻxshash tadbir respublikada ilk bor oʻtkazilmoqda. Ushbu sport musobaqaning tashkilotchilaridan biri UFC mutlaq chempioni Habib Nurmagomedov boʻldi.

Bunday mazali taomlarni hech qayerda tanovvul qilmaganman - Habib Nurmagomedov

23 noyabr oqshomida boʻlib oʻtgan janglarda Argentina, Rossiya, Belarus, Ukraina, Ozarbayjon, Braziliya, Frantsiya, Italiya, Xorvatiya, Tunis, Tojikiston va Oʻzbekistondan jangchilar oktagonga koʻtarilishdi.

Quvonarlisi, oʻzbekistonlik sportchilar Avliyoxon Hamidov, Nursulton Roʻziboyev, Muzaffar Rajabov, Jahongir Jumayev, Ahliddin Mirzadavlatov raqiblari ustidan ishonchli gʻalaba qozonishdi. Ayniqsa, Nursulton Roʻziboyev va Jahongir Jumayevning janglari yodda qolarli boʻldi. Jamshid Rahmonaliyev va Amin Ergashev esa raqiblariga imkoniyatni boy berib qoʻyishdi.

“Humo Arena”ni toʻldirgan muxlislar oʻzlarining qoʻllab-quvvatlashlari, hayqiriqlari bilan jang oqshomiga oʻzgacha shukuh bagʻishlashdi.

Shubhasiz, musobaqaning asosiy jangi Umar Nurmagomedov (Habib Nurmagomedovning amakisining oʻgʻli – tahr. ) hamda argentinalik Brayan Gonsales oʻrtasida kechdi. Umar Nurmagomedovlarga xos tarzda boʻgʻuvchi usul bilan raqibini muddatidan avval magʻlub etdi va chempionlik unvonini munosib tarzda himoya qila oldi.

© Sputnik / Ramiz BaxtiyarovUmar Nurmagomedov i yego sopernik argentinets Brayan Gonasales posle boya v Tashkente
Toshkentda hali bunaqasi boʻlmagan: ilk MMA turnirining yorqin lahzalari - Sputnik Oʻzbekiston
Umar Nurmagomedov i yego sopernik argentinets Brayan Gonasales posle boya v Tashkente

Umar Nurmagomedov jangdan soʻng tomoshabinlarga qoʻllab-quvvatlaganliklari uchun minnatdorchilik bildirdi.

Turnirning yorqin lahzalarini Sputnik Oʻzbekiston lavhasida tomosha qilishingiz mumkin.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala