Siyosat

Finlandiya bosh vaziri uni “sotuvchi” deb haqorat qilgan estoniyalik vazirga javob qaytardi

© Sputnik / Aleksey Vitvitskiy / Fotobankka oʻtishPremyer-ministr Finlyandii Sanna Marin
Premyer-ministr Finlyandii Sanna Marin - Sputnik Oʻzbekiston
Estoniya va Finlandiyani koʻp asrlik qoʻshnichilik rishtalari bogʻlaydi, shuning uchun Mart Xelmening soʻzlari katta janjalga sabab boʻldi. Ayrim siyosatchilar uning soʻzlari ikki davlat munosabatlariga putur yetkazganini taʼkidlashmoqda.

TOSHKENT, 16 dek — Sputnik. Estoniya ichki ishlar vaziri Mart Xelme 34 yoshli Sanna Marinning Finlandiya bosh vaziri lavozimiga tayinlanganini keskin tanqid qildi. Amaldor bu faktga izoh bera turib, “sotuvchi bosh vazir darajasigacha yetganini” maʼlum qilgan.

Pavilon novostnogo agentstva Sputnik - Sputnik Oʻzbekiston
Dunyoda
Sputnik Estoniya agentlikni mamlakatdan “siqib chiqarishga” urinishayotganini maʼlum qildi

“Hozir Finlandiyada roʻy bergan hodisadan teppa sochlar tikka boʻladi. Men shu munosabat bilan Vladimir Ulyanov-Leninning har qanday oshpaz ayol vazir boʻlishi mumkin degan gaplarini eslatib qoʻymoqchi edim. Mana biz qanday qilib sotuvchi ayol bosh vazir darajasiga koʻtarilgani hamda baʼzi koʻcha faollari va omi kishilar hukumat aʼzolari qatoriga qoʻshilgaginini koʻrib turibmiz”,  - dedi estoniyalik vazir TRE Raadio efiri chogʻida. RIA Novosti uning soʻzlaridan iqtibos keltirgan.

Shuningdek, Xelme yangi Finlandiya hukumati davlat manfaatlarini himoya qila olishiga shubha qilgan.

Sanna Marin Estoniya IIV rahbarining soʻzlariga javob qaytardi. U oʻzining Twitter᾽ida “qashshoq oiladan chiqqan bola taʼlim olib, hayotda koʻp narsalarga erishishi mumkin boʻlgan” mamlakati bilan juda faxrlanishini qayd etgan. 

“Doʻkon kassachisi bosh vazir boʻlishi mumkin. Ishchilar sinfisiz Finlandiya koʻkarmaydi. Men har bir xodim, mutaxassis va tadbirkorning ishini qadrlayman”, - deya yozgan yosh siyosatchi.

Estoniya va Finlandiyani koʻp asrlik qoʻshnichilik rishtalari bogʻlaydi, shuning uchun Mart Xelmening soʻzlari katta janjalga sabab boʻldi. Ayrim siyosatchilar uning soʻzlari ikki davlat munosabatlariga putur yetkazganini taʼkidlashmoqda.

Keyinchalik Estoniya prezidenti Kersti Kalyulayd  Finlandiya rahbari Sauli Niinistyo telefon orqali muloqot qilib, ichki ishlar vazir soʻzlari uchun uzr soʻragan.

Eslatib oʻtamiz,  Sanna Marin parlamentning ishonchini olgan va prezident 10 dekabr kuni uni bosh vazir etib tayinladi. 34 yoshli siyosatchi dunyodagi eng yosh bosh vazir boʻldi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala