Jamiyat

Bosh prokuratura ishdan asossiz ravishda boʻshatilgan ayolga yordam berdi

© Sputnik / Ramiz BaxtiyarovZdaniye Generalnoy prokuraturы Uzbekistana
Zdaniye Generalnoy prokuraturы Uzbekistana - Sputnik Oʻzbekiston
Fuqaro N.A. fuqarolik ishlari boʻyicha sudlarning ishga tiklashni rad etish haqidagi qarorlaridan norozi boʻlib, Oʻzbekiston Bosh prokuraturasiga murojaat yoʻllagan.

TOSHKENT, 17 dek – Sputnik. Fuqaro N.A. fuqarolik ishlari boʻyicha sudlarning ishga tiklashni rad etish haqidagi qarorlaridan norozi boʻlib, Oʻzbekiston Respublikasi Bosh prokuraturasiga murojaat yoʻllagan.

V Djizakskoy oblasti v ramkax realizatsii proyekta Blagoustroyennoye selo snosyat starыe doma - Sputnik Oʻzbekiston
Jamiyat
Bosh prokuratura oʻzboshimchalik bilan qurilgan uy-joylarga chora koʻrmoqda

Aniqlanishicha, N.A. Oʻzbekiston Davlat sanʼat muzeyi direktorining 21.08.2017 yildagi 51-sonli buyrugʻi bilan mazkur muzeyning ilmiy ishlar boʻyicha direktor oʻrinbosari lavozimiga ishga qabul qilinib, 29.12.2017 yildagi K-84-sonli buyrugʻiga asosan u bilan tuzilgan mehnat shartnomasi 04.01.2018 yildan Mehnat kodeksining 100-moddasi 2-qismi 1-bandiga asosan shtatlar soni qisqarganligi munosabati bilan bekor qilingan.

N.A.ning ishga tiklash haqidagi daʼvosi FIB Mirobod tumanlararo sudida koʻrilib, ushbu sudning 31.05.2018 yildagi hal qiluv qarori va Toshkent shahar sudi kassatsiya instantsiyasining 07.12.2018 yildagi ajrimi bilan N.A.ning daʼvo talablari rad etilgan.

Mazkur sud qarorlari Oliy sud fuqarolik ishlari boʻyicha sudlov hayʼatining 27.05.2019 yildagi ajrimi bilan oʻzgarishsiz qoldirilgan.

N.A.ning murojaati Bosh prokuraturada koʻrib chiqilib, ushbu holatda N.A. ishdan asossiz ravishda boʻshatilganligi aniqlandi.

Gulnara Karimova - Sputnik Oʻzbekiston
Jamiyat
Gulnora Karimovaning advokati nima sababdan Oʻzbekistonga kiritilmadi – prokuratura bayonoti

Xususan, mehnat shartnomasi bekor qilingan vaqtda N.A. Madaniyat vazirining buyrugʻiga koʻra xizmat safarida boʻlganligi va homilador boʻlganligi hamda boshqa holatlar inobatga olinmasdan Mehnat kodeksining 102 (xodimni ogohlantirish), 137 (homilador ayol bilan mehnat shartnomasini bekor qilishni cheklash) va boshqa moddalari talablari buzilgan.

Shunga koʻra, Bosh prokuratura tomonidan yuqoridagi sud qarorlariga nisbatan 11.09.2019 yilda Oliy Rayosatiga protest kiritildi.

Oliy sud sudlov hayʼati tomonidan ish yangidan koʻrib chiqilib, 04.11.2019 yilda N.A.ning daʼvo talablari qanoatlantirildi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala