TOShKENT, 27 dek — Sputnik. Olma-otadan Nur-Sultonga parvoz qilgan samolyot halokatga uchradi. Yo‘lovchi samolyot Olmaotada uchish chizig‘idan tashqaridaligi aniqlangan, deb xabar qilmoqda Sputnik Qozog‘iston FVV ma’lumoti asosida.
"Bugungi kunda Bek Eyr" aviakompaniyasiga qarashli 2100 reys bilan Olma-otadan Nur-Sultonga parvozni amalga oshirayotgan samolyot reja bo‘yicha 7:05da uchgan va radardan yo‘qolgan. Bortda 95 yo‘lovchi va 5 nafar ekipaj a’zosi bo‘lgan", - deyiladi Olma-ota aeroporti xabarida.
Hozirgi vaqtda 7 kishi halok bo‘lgani ma’lum qilingan.
Qozog‘iston bosh vaziri topshirig‘i bilan bosh vazir o‘rinbosari boshchiligida hukumat komissiyasi tuzilgan. Komissiya tarkibidan Qozog‘iston Respublikasi sanoat va infratuzilmani rivojlantirish vaziri va boshqa davlat organlari vakillari o‘rin olgan. Komissiya favqulodda holat yuz bergan joyga yetib kelgan. Fojia sabablari aniqlashtirilmoqda.
So‘nggi xabarlarga ko‘ra, Qozog‘iston prezidenti Kasim-Jomart Tokayev aviahalokat qurbonlari qarindoshlariga ta’ziya bildirgan va aybdorlar jazolanishini aytgan.
Bүgіn Almati maңindag‘i jolaushilar ұshag‘i apatinan qaza tapqan adamdardiң tuistari men jaqindariniң qayg‘ilarina ortaqtasip, kөңіl aytamin. Zardap shekkenderge kөmek kөrsetіledі. Apat sebebіn aniqtau үshіn arnayi үkіmettіk komissiya qұrildi. Kіnәlіler zaңg‘a sәykes qataң jazalanadi.
— Qasym-Jomart Toqayev (@TokayevKZ) December 27, 2019
Olma-otada ayni vaqtda tez yordam mashinalariga yo‘l bo‘shatish uchun transport harakati tezlikda tartibga solinmoqda.
Hodisa joyida yo‘l patrul politsiyasi xodimlari ishlashmoqda, transport harakatini tartibga solishmoqda. Tez tibbiy yordam mashinalari Olma-ota aeroporti markaziy kirish qismiga yetib kelishda davom etmoqda.
Jabrlanganlarning aksariyat qismi shahar kasalxonalariga olib ketilgan, hodisa joyida esa o‘ndan ortiq tibbiy yordam mashinalari borligini kuzatish mumkin.
