TOShKENT, 28 dek - Sputnik. Muhammad al-Xorazmiy nomidagi maktabning yangi binosida yoshlar bilan uchrashgan prezident Shavkat Mirziyoyev siyosiy muxolifat borasida fikr bildirib o‘tdi, deb xabar qilmoqda Kun.uz nashri.
Xabarga ko‘ra, davlat rahbari oppozitsiyaga qarshi emasligi, ammo u chetdan kirib kelishini yoqlamasligini bildirgan.
"Internetda muxolifat haqida gap ketapti. Menga ham "Oppozitsiya yo‘q", deb aytishadi. Oppozitsiya nima u? U qanday foyda beradi?
U shu yerda bo‘lishi kerak. Qanday qilib chetdan keladi? Bu yerning shart-sharoiti, muhitini bilmaydi. Albatta, men prezident sifatida muxolifatga qarshi emasman. Lekin u o‘zimizda shakllanishi kerak, buning uchun shu yerda muhit yaratilishi kerak. Toki u odamlarning muammolarini bilsin, shu yerda non yeb, shu yerda suv ichgan bo‘lsin", – degan Mirziyoyev.
Sodiq Safoyev O‘zbekistonda muxolifat partiyalar ildiz otayotganiga ishora qildi >>>
Prezident xorijdan keladigan muxolifatga qarshiligini ta’kidladi, deb yozadi nashr.
