Jamiyat

Oʻzbekistonda toʻy va marosimlarni oʻtkazishda baʼzi udumlardan voz kechildi  

© Sputnik / Vladimir Vyatkin / Fotobankka oʻtishSvadebnыy kortej
Svadebnыy kortej - Sputnik Oʻzbekiston
Obuna boʻlish
Yandex newsTelegram
 Milliy anʼanalar va odob-axloq qoidalariga zid boʻlgan turli shoular, ortiqcha vaqt va xarajat talab qiladigan toʻylar, — “kelin navkari”, “chorlar”, “ota koʻrdi”, “sep yoydi”, “quda chaqirdi”, “kuyov chaqirdi”, “kelin chaqirdi”, “pul sochish” kabi marosimlardan ham voz kechildi.

TOSHKENT, 2 yanv - Sputnik. 2020 yilning 1 yanvaridan Oʻzbekistonda toʻy va marosimlarni oʻtkazish tartibi bir muncha oʻzgardi. Bu haqda  Oʻzbekiston Oliy majlisi senati axborot xizmati maʼlum qildi.

Xabarga koʻra, 1 yanvardan toʻylar, oilaviy tantanalar, maʼraka va marosimlar faqat bir kun (dafn etish marosimi bundan mustasno) soat 06:00 va 23:00 oraligʻida oʻtkaziladi. Soat 23:00 dan keyin toʻylar, oilaviy tantanalar, maʼraka va marosimlarni davom etishiga yoʻl qoʻyilmaydi.

Ushbu marosimlarda 200 nafargacha, mazkur tadbirlar munosabati bilan osh berish marosimida 250 nafargacha kishi qatnashadi. Qoʻshaloq toʻylarda esa 250 kishi, u bilan bogʻliq osh berish marosimida 300 kishi qatnashishi mumkin.

Dafn etish va motam marosimlari koʻpi bilan uch kun mobaynida cheklanmagan miqdorda kelim-ketim taʼminlanishi mumkin. Ammo osh berish marosimi bundan mustasno. Shuningdek, toʻy oʻtkazuvchi shaxslar toʻydan kamida bir hafta oldin yashash joyidagi fuqarolarning oʻzini oʻzi boshqarish organlarini xabardor qilishi shart.

Svadebnыy kortej. - Sputnik Oʻzbekiston
Jamiyat
Dabdabaning dabdalasi: toʻy kortejlari uchun jarima miqdori belgilandi

Bundan tashqari nikohni qayd etish, kelin-kuyovning toʻyxonaga kelishi va ketishi bilan bogʻliq marosimlarda 3 tadan koʻp boʻlgan yengil avtomashinaga ruxsat etilmaydi. Jamoat xavfsizligiga tahdid soluvchi boshqa transport vositalari ham shu jumlasidandir.

Qolaversa, shuhratparastlik, dabdababozlik va isrofgarchilikka yoʻl qoʻyilmaydi.

 Milliy anʼanalar va odob-axloq qoidalariga zid boʻlgan turli shoular, ortiqcha vaqt va xarajat talab qiladigan toʻylar, — "kelin navkari", "chorlar", "ota koʻrdi", "sep yoydi", "quda chaqirdi", "kuyov chaqirdi", "kelin chaqirdi", "togʻora yuborish", "pul sochish" kabi marosimlardan ham voz kechildi.

Shu qatorda dafn etish va motam marosimlari bilan bogʻliq "yetti", "payshanbalik", "yigirma", "qirq", "yil oshi", "pul tarqatish", "mato ulashish" kabi ortiqcha tadbirlar oʻtkazilishi mumkin emas.

Yangiliklar lentasi
0