Jamiyat

Oʻzbekistonda takroriy ovoz berish boshlandi

© Sputnik / Ramiz BaxtiyarovIzbiratelnaya urna na parlamentskix vыborax v Uzbekistane
Izbiratelnaya urna na parlamentskix vыborax v Uzbekistane - Sputnik Oʻzbekiston
Bugun, 2020 yil 5 yanvar kuni Oliy Majlis Qonunchilik palatasiga saylov oʻtkazuvchi 25 saylov okrugida takroriy ovoz berish boshlandi.

TOSHKENT, 5 yanv – Sputnik. Bugun, 2020 yil 5 yanvar kuni Oliy Majlis Qonunchilik palatasiga saylov oʻtkazuvchi 25 saylov okrugida takroriy ovoz berish boshlandi. Bu haqda Sputnik muxbiri MSK tomonidan tashkil etilgan matbuot anjumanidan xabar qildi.

Golosovaniye na parlamentskix vыborax v Uzbekistane - Sputnik Oʻzbekiston
Siyosat
Takroriy ovoz berish oʻtkaziladigan saylov okruglari – roʻyxat

“Markaziy saylov komissiyasining qaroriga koʻra, bu saylovlarda beshta partiya nomzodlari orasidan Oliy Majlis Qonunchilik palatasiga 125 deputat saylangan, deb topildi. Oʻz navbatida, 25 deputatlik oʻrni uchun takroriy ovoz berish haqida qaror qabul qilindi”, - deyilgan xabarda.

Oʻzbekiston Respublikasi Oliy Majlisi Qonunchilik palatasiga saylov oʻtkazuvchi 25 ta Saylov okruglaridagi 1730 ta saylov uchastkasida takroriy ovoz berish jarayoni oʻtkaziladi.

Ushbu okruglardagi saylovchilar soni 3 million 148 ming 921 nafarni tashkil etadi.

Shuningdek, Xalq deputatlari viloyat kengashlariga saylov oʻtkazuvchi 95 ta Saylov okrugidagi 1104 ta saylov uchastkasida hamda Xalq deputatlari tuman va shahar kengashlariga saylov oʻtkazuvchi 587 ta Saylov okrugidagi 1117 ta saylov uchastkasida takroriy ovoz berish boʻlib oʻtadi.

“Deputatlikka nomzodlar koʻrsatgan siyosiy partiyalardan hamda fuqarolarning oʻzini oʻzi boshqarish organlaridan jami 5 mingdan ortiq kuzatuvchilar ham saylovlarni bevosita kuzatmoqda”, - deb taʼkidladi MSK raisi Mirzo-Ulugʻbek Abdusalomov.

Ayni paytda barcha saylov okruglari va saylov uchastkalari bilan doimiy aloqa oʻrnatilgan.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala