Jamiyat

Prezident qurilish sohasini rivojlantrish uchun nima qilish kerakligini aytdi

© Press-slujba prezidenta UzbekistanaShavkat Mirziyoyev provel soveщaniye posvyaщennoye problemam stroitelstva
Shavkat Mirziyoyev provel soveщaniye posvyaщennoye problemam stroitelstva - Sputnik Oʻzbekiston
Shavkat Mirziyoyev qurilish sohasida innovatsion texnologiyalarni joriy etishga bagʻishlangan majlis oʻtkazdi.

TOSHKENT, 8 yanv – Sputnik. Oʻzbekiston prezidenti Shavkat Mirziyoyev 7 yanvar kuni qurilish sohasidagi islohotlarga bagʻishlangan majlis oʻtkazdi. Yigʻilishda qurilish sohasidagi muammo va kamchiliklar keskin tanqid qilindi. 

Xususan, Oʻzbekistondagi mavjud qurilish tashkilotlarida ishchilar soni va kasb malakasi toʻgʻrisida maʼlumot yuritilmasligi, hududlardagi barcha qurilishlar yagona buyurtmachi xizmati tashkilotlariga topshirib qoʻyilgani hamda  qurilish xavfsizligi, sifati va natijasi nazorat qilish oʻrniga faqat jarayonni nazorat qilinayotgani aytib oʻtildi.

Ushbu muammolarni hal qilish, sohani zamonaviy asosda rivojlantirish maqsadida Shavkat Mirziyoyev bir qator chora tadbirlarni belgilab berdi:

  • loyiha institutlari oʻrtasida sogʻlom raqobat muhitini yaratish, xorijiy tajriba asosida tenderlar oʻtkazishning aniq mezonlarini ishlab chiqish, bu borada elektron tizimni eksperiment tariqasida Toshkent shahrida joriy etish; 
  • Qurilish, Moliya, Adliya vazirliklari va boshqa mutasaddi tashkilotlarga joriy yil 1 iyulgacha qurilish korxonalari faoliyatini baholash reytingini ishlab chiqish vazifasi qoʻyildi. Ushbu reytingda ishchilar soni va malakasi, bajarilgan ishlar hajmi, soliq va kreditlarning oʻz vaqtida toʻlanishi kabi mezonlar oʻz aksini topadi; 
  • qurilish vazirligi, Axborot texnologiyalari va kommunikatsiyalarini rivojlantirish vazirligiga tizimni toʻliq raqamlashtirish boʻyicha joriy yilda amalga oshirish boʻyicha “yoʻl xaritasi”ni ishlab chiqish yuklatildi; 
  • qurilish sohasida davlat nazoratini butunlay yangicha asosda tashkil etish, mehnat muhofazasini kuchaytirish;
  • Mehnat vazirligi, Qurilish vazirligi, Oliy va oʻrta maxsus taʼlim vazirligiga qurilish sohasida oʻrta boʻgʻin mutaxassislari va ishchi kasblar klassifikatorini joriy qilish hamda unga muvofiq kollejlarda quruvchilar tayyorlash vazifasi qoʻyildi; 
  • Qurilish sahasiga oid taʼlim dasturlarini yuqori texnologiyalar va innovatsion yondashuvlar asosida yangidan ishlab chiqish, boʻlajak kadrlarni zamonaviy loyihalash va dasturiy taʼminot, xususan, BIM (Building Information Modeling) texnologiyalari bilan ishlashga oʻrgatish kerakligi taʼkidlandi; 

Maʼlum boʻlishicha bugungi kunda Oʻzbekistonda 22 mingga yaqin qurilish-pudrat tashkilotlari bor. Respublikada bunyodkorlik ishlari koʻlami yildan yilga kengayib bormoqda. Yangi uy-joylar, yirik zavodlar, zamonaviy infratuzilma obʼyektlari qurilmoqda. 

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala