TOShKENT, 22 yanv - Sputnik. Samarqand viloyati favqulodda vaziyatlar boshqarmasi uch yoli bolakayning hayotini saqlab qolgan Jo‘rabek Ziyodovni taqdirladi.
“O‘z jonini xatarga qo‘yib, qahramonlik ko‘rsatgan Jo‘rabekning qahramonona xatti-harakatlari Samarqand viloyati favqulodda vaziyatlar boshqarmasi tomonidan alohida e’tirof etilib, esdalik sovg‘alar va faxriy yorliq topshirildi”, - deyiladi FVV xabarida.
Jo‘rabek Kattaqo‘rg‘on tumanining Jumaboy mahallasi, Jumaboy qishlog‘ida nafaqat kanalda oqib ketayotgan uch yoshli bolani suvdan olib chiqqan, balki o‘z vaqtida birinchi yordamni ko‘rsatish orqali uning hayotini saqlab qolgan. Ayni damda bolakayning sog‘ligi joyida. Jasaorat ko‘rsatgan Jo‘rabek esa qishloq ahli faxriga aylandi.
