Jamiyat

Shodmonov Xitoy fuqarolariga vizani cheklash tarafdori ekanligini maʼlum qildi

© Sputnik / Ramiz BaxtiyarovMinistr zdravooxraneniya Uzbekistana Alisher Shadmanov
Ministr zdravooxraneniya Uzbekistana Alisher Shadmanov  - Sputnik Oʻzbekiston
Eslatib oʻtamiz, soʻnggi maʼlumotlarga koʻra, Xitoyda yangi tipdagi koronavirus pnevmoniyasi bilan kasallangan bemorlar soni 9 692 nafarga yetdi. Bu dunyo boʻyicha SARS koronavirusi epidemiyasi avjiga chiqqan koʻrsatkichdan ancha yuqoridir.

TOSHKENT, 31 yanv - Sputnik. Sogʻliqni saqlash vaziri koronavirus sabab Oʻzbekistonda viza cheklovi oʻrnatilishi kerakmi, degan savolga javob berdi.
Yangi turdagi koronavirusning tarqalishi natijasida koʻplab davlatlar ehtiyot choralarini koʻrishni boshlagan. Epidemiya tarqalishining oldini olish uchun Qozogʻiston, Qirgʻiziston, Rossiya, Moʻgʻuliston va Malayziya Xitoy bilan chegarasini yopdi. Yana qator davlatlar Xitoy fuqarolariga nisbatan viza cheklovlarini joriy etdi.

Koronavirus qurboni boʻlmaslik uchun tavsiyalar - Sputnik Oʻzbekiston
Infografika
Koronavirus yuqtirmaslik boʻyicha muhim tavsiyalar

"...chegarani yopish masalasiga kelsak, bu chorani qoʻllash vazirligimiz vakolatida emas. Ammo bu borada oʻz fikrimni aytadigan boʻlsam, ayni paytda, yaʼni 30 yanvar holatida mamlakatimiz hududida bunday kasallikka chalinish holati birorta ham kuzatilmaganligiga qaramasdan ehtiyot choralarini koʻrishimiz lozim. Shaxsan oʻzim yurtimiz fuqarolarining Xitoyga borishini cheklash bilan bir qatorda, xitoyliklar va boshqa xorijiy davlatlar fuqarolarining ushbu mamlakatdan yurtimizga kirib kelishini vaqtinchalik cheklash tarafdoriman. Chunki, ushbu virusning havo-tomchi yoʻli bilan oʻtishi, odamdan odamga yuqishi, bundan tashqari, kasallik belgilarining yashirin davri 14 kun davom etishi kasallik tarqalish xavfini keskin oshiradi", - deb aytgan Shodmonov.

Eslatib oʻtamiz, soʻnggi maʼlumotlarga koʻra, Xitoyda yangi tipdagi koronavirus pnevmoniyasi bilan kasallangan bemorlar soni 9 692 nafarga yetdi. Bu dunyo boʻyicha SARS koronavirusi epidemiyasi avjiga chiqqan koʻrsatkichdan ancha yuqoridir.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala