TOShKENT, 3 fev — Sputnik. Qozog‘istonda odam gavjum joylarda terrorchilik hujumlarini uyushtirishga tayyorgarlik ko‘rishda gumon qilingan besh kishi qo‘lga olindi.
Qozog‘iston Milliy xavfsizlik qo‘mitasi xabariga ko‘ra, gumon qilinuvchilar 27-yanvar kuni Karaganda va Taraz shahrida qo‘lga olingan va ularga nisbatan qamoqqa olish tarzidagi ehtiyot chorasi qo‘llangan.
Qayd etilishicha, barcha qo‘lga olinganlar og‘ir va o‘ta og‘ir jinoyatlarni sodir etganlik uchun muqaddam sudlangan.
“Tergov versiyasi ko‘ra, guruh respublika hududida, jumladan, odam gavjum joylarida terrorchilik aktlarini sodir etish maqsadida tuzilgan”, - deyilgan xabarda.
Hozirda mamlakat Jinoyat kodeksining tegishli moddalari bilan jinoyat ishi qo‘zg‘atilib, surishtiruv ishlari olib borilmoqda.
