Siyosat

Boyovut tumani hokimi lavozimiga ayol kishi tayinlandi

© Xokimiyat Bayovutskogo rayona Sыrdarinskoy oblastiUralova Dilfuza naznachena xokimom Bayovutskogo rayona Sыrdarinskoy oblasti
Uralova Dilfuza naznachena xokimom Bayovutskogo rayona Sыrdarinskoy oblasti - Sputnik Oʻzbekiston
Sirdaryo viloyati hokimining oʻrinbosari, xotin-qizlar qoʻmitasi raisi, senator Dilfuza Uralova Boyovut tumaniga hokim boʻldi.

TOSHKENT, 18 fev — Sputnik. Sirdaryo viloyati hokimining oʻrinbosari, xotin-qizlar qoʻmitasi raisi, senator Dilfuza Uralova Boyovut tumaniga hokim boʻldi. Bu haqda viloyat hokimligi matbuot xizmati xabar qilmoqda.

Taʼkidlanishicha, Xalq deputatlari Boyovut tumani Kengashining navbatdan tashqari sessiyasi yakunlangan. Unda deputatlar viloyat hokimining Oʻlmasjon Mamadaminovning boshqa ishga oʻtayotganligi munosabati bilan Boyovut tumani hokimi lavozimidan ozod etish, shuningdek, Dilfuza Uralovani Boyovut tumani hokimi etib tayinlash toʻgʻrisidagi qarorlari muhokama qilingan.

Dilfuza Uralova nomzodi bir ovozdan tasdiqlangan.

Tanzila Narbayeva - Sputnik Oʻzbekiston
Siyosat
Oʻzbekiston Senatiga yangi rais saylandi

Shunday qilib, Dilfuza Uralova hozircha Oʻzbekistondagi yagona ayol hokimga aylandi.

Maʼlumot uchun, Dilfuza Uralova 2012 yilda - "Shuhrat" medali bilan taqdirlangan. Xalq deputatlari Sirdaryo viloyati Kengashi deputati, Oʻzbekiston Respublikasi Oliy Majlisi Senati aʼzosi hisoblanadi.

D.Uralova 1985-1990 yillar mobaynida - Guliston davlat universiteti talabasi, 1990-2001 yillar - Sirdaryo viloyati Mirzaobod tumani 10-umumiy oʻrta taʼlim maktabi oʻqituvchisi, 2001-2010 yillar - Sirdaryo viloyati Mirzaobod tumani 10-umumiy oʻrta taʼlim maktabi direktorining maʼnaviy-maʼrifiy ishlar boʻyicha oʻrinbosari, direktori boʻlgan.

2010-2015 yillar mobaynida - Sirdaryo viloyati Mirzaobod tumani hokimining oʻrinbosari, xotin-qizlar qoʻmitasi raisi lavozimida ishlagan, 2015-2017 yillar mobaynida - Oʻzbekiston Respublikasi Oliy Majlisi Qonunchilik palatasi deputati boʻlgan.

2017 yildan shu kunga qadar Sirdaryo viloyati hokimining oʻrinbosari, xotin-qizlar qoʻmitasi raisi lavozimida ishlab kelgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala