Siyosat

Mirziyoyev “Lukoyl” rahbari bilan yangi loyihalarni muhokama qildi

© Press-slujba prezidenta UzbekistanaShavkat Mirziyoyev prinyal prezidenta rossiyskoy kompanii «LUKOYL» Vagita Alekperova
Shavkat Mirziyoyev prinyal prezidenta rossiyskoy kompanii «LUKOYL» Vagita Alekperova - Sputnik Oʻzbekiston
Shavkat Mirziyoyev Rossiyaning “Lukoyl” kompaniyasi prezidenti Vagit Alekperovni qabul qildi. Uchrashuvda oʻzaro manfaatli hamkorlikni yanada kengaytirish istiqbollari koʻrib chiqildi.

TOSHKENT, 5 mar — Sputnik. Oʻzbekiston prezidenti Shavkat Mirziyoyev Rossiyaning “Lukoyl” kompaniyasi prezidenti Vagit Alekperovni qabul qildi.

Davlat rahbari matbuot xizmati xabariga koʻra, uchrashuvda oʻzaro manfaatli hamkorlikni yanada kengaytirish istiqbollari koʻrib chiqildi.

Qayd etilishicha, kompaniyaning korporativ boshqaruv va neft-gaz tarmogʻida raqamli texnologiyalarga oʻtish borasidagi tajribasi va ilgʻor yechimlarini jalb etish masalasiga alohida eʼtibor qaratildi.

“Oʻzbekiston hududida geologiya-qidiruv sohasida hamda uglevodorod konlarini, shu jumladan, qazib olinishi qiyin boʻlganlarini oʻzlashtirish borasida kooperatsiyani mustahkamlash imkoniyatlari muhokama qilindi”, - deyilgan xabarda.

Ilmiy izlanishlar hamda energetika sektori uchun yuqori malakali kadrlarni tayyorlash sohasida hamkorlik qilish ustuvor yoʻnalish sifatida belgilab olindi.

Ministerstvo doshkolnogo obrazovaniya - Sputnik Oʻzbekiston
Jamiyat
Oʻzbekistonda “Lukoyl” kompaniyasi loyihasi asosida 3 ta bogʻcha quriladi

Bugungi kunda kompaniyaning qoʻshma loyihalarga kiritgan sarmoyalari hajmi 10 milliard dollar atrofida. Yiliga 8 milliard kub metrdan ziyod tabiiy gazni qayta ishlash quvvatiga ega Qandim gazni qayta ishlash majmuasi muvaffaqiyatli faoliyat yuritmoqda. Janubi-Gʻarbiy Hisor va Ustyurtdagi konlarni oʻzlashtirish davom etyapti.

Bundan tashqari, “Lukoyl” mamlakatdagi ijtimoiy dasturlarni faol qoʻllab-quvvatlamoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala