Hodisalar

Shoir Azim Suyun olamdan oʻtdi

Oʻzbekiston Yozuvchilar uyushmasi aʼzosi, shoir, Oʻzbekistonda xizmat koʻrsatgan madaniyat xodimi Azim Suyun 72 yoshida olamdan oʻtdi.

TOSHKENT, 9 mar - Sputnik. Bugun, 9 mart kuni shoir, ​Oʻzbekiston Yozuvchilar uyushmasi aʼzosi, Oʻzbekistonda xizmat koʻrsatgan madaniyat xodimi Azim Suyun 72 yoshida olamdan oʻtdi. Bu haqda ijtimoiy tarmoqlarda xabar berildi.

Gullar - Sputnik Oʻzbekiston
Hodisalar
Oʻzbekiston yana bir donishmand shoiridan ayrildi

OʻzAda berilgan maʼlumotlarga koʻra, Azim Suyun (Azimboy Alimovich Suyunov) — 1948 yil Samarqand viloyatiga qarashli Nakurt qishlogʻida tugʻilgan.

1977 yilda Toshkent Davlat universiteti (hozirgi OʻzMU)ning jurnalistika fakultetini bitirdi. "Toshkent universiteti" gazetasida adabiy xodim, Gʻafur Gʻulom nomidagi adabiyot va sanʼat nashriyotida muharrir boʻlib ishladi.

Oʻzbekiston Matbuot Davlat qoʻmitasida adabiy maslahatchi, Oʻzbekiston Yozuvchilar uyushmasida masʼul kotib, "Xalq soʻzi" gazetasida boʻlim muharriri, 1993-2002 yillarda "Oʻzbekiston ovozi" va "Golos Uzbekistana" gazetalarining Bosh muharriri vazifalarida xizmat qildi. Ijodkor butunjahon shoirlar kongressi aʼzosi edi.

Shoirning oilasi va yaqinlariga taʼziya bildiramiz.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala