Rasman: 1995-yilga qadar O‘zbekistonga kirib kelganlarga fuqarolik beriladi

© Sputnik / Aleksey TixomirovUzbekskiy pasport
Uzbekskiy pasport - Sputnik O‘zbekiston
Obuna bo‘lish
Ushbu Qonun rasmiy e’lon qilingan kundan e’tiboran 6 oy o‘tgach kuchga kiradi. Qonunning ayrim moddalari va bandlari 2020-yil 1-apreldan e’tiboran amalga kiritiladi.

TOShKENT, 14 mar - Sputnik. "O‘zbekiston Respublikasining fuqaroligi to‘g‘risida"gi Qonun prezident Shavkat Mirziyoyev tomonidan imzolandi.

Pasport grajdanina Uzbekistana - Sputnik O‘zbekiston
"Biz mehmon emas, fuqaro qabul qilamiz” - deputat O‘zbekiston pasporti berilishi haqida

Qonunga muvofiq, 1995-yil 1-yanvarga qadar O‘zbekiston hududiga kirib kelgan va doimiy propiskadan o‘tgan, chet davlat fuqaroligini qabul qilmagan hamda mazkur Qonun kuchga kirguniga qadar fuqaroligi bo‘lmagan shaxs O‘zbekiston fuqarosi deb tan olinadi.

Qonun bilan prezident huzuridagi fuqarolik masalalari bo‘yicha komissiyaning maqomi, asosiy vazifalari va vakolatlari belgilandi.

Jumladan, Komissiya O‘zbekiston fuqaroligi masalalariga oid iltimosnomalarni ko‘rib chiqadi, Prezidentga ushbu masalalar yuzasidan takliflar kiritadi.

Qonunga ko‘ra, O‘zbekiston fuqaroligi masalalarini ko‘rib chiqishda idoralararo elektron hamkorlik shakllantiriladi.

Ushbu Qonun rasmiy e’lon qilingan kundan e’tiboran 6 oy o‘tgach kuchga kiradi.

Qonunning ayrim moddalari va bandlari 2020-yil 1-apreldan e’tiboran amalga kiritiladi.

Yangiliklar lentasi
0