COVID-19 koronavirusining tarqalishini oldini olish maqsadida 16-martdan boshlab O‘zbekistonning chet el davlatlari bilan avia va avtomobil qatnovlari to‘xtatildi.
Mutaxassisning so‘zlariga ko‘ra, kasallik o‘chog‘ini bartaraf etish epidemiyaga qarshi eng samarali choradir.
“Har qanday holatda ham bu yaxshi, chunki virus zanjirini to‘xtatib qolishga imkon beradi. Qat’iy choralar joriy etilgan mamlakatlarda ular o‘z samarasini allaqachon bergan. Lekin hamma ham epidemiya ko‘lamini o‘z vaqtida baholamadi: kimdir g‘aftatda qoldi, kimdir cheklov kiritmadi. Eron va Italiya shu darajada virus tarqalib ketishini hatto tasavvur qila olishmagan edi. Biroq ijobiy o‘rnaklar ham bor – ilk kasallik ilk qayd etilishi bilanoq vaziyatni nazoratga olayotgan Markaziy Osiyo mamlakatlari, Rossiya”, - deya ta’kidladi Jemchugov.
Immunolog agar aholisining qolgan qismining COVID-19ga qarshi immuniteti yo‘qligini hisobga olsa, Xitoyda kasallikning ikkinchi to‘lqini yuzaga kelishi mumkinligini istisno qilmadi. Shu bois chegaralarni muddatidan ilgari ochmaslik darkor. Buni sog‘ayib ketganlar soni yangi qayd etilgan holatlarga qaraganda ancha ko‘p bo‘lgandagina qilish mumkin.
So‘nggi ma’lumotlarga ko‘ra, dunyoda koronavirusni yuqtirib olganlar soni 171 mingdan oshib ketgan. 77 mingdan ziyod kishi tuzalib ketishga muvaffaq bo‘lgan. Kasallikdan vafot etganlar soni 6642 kishini tashkil etmoqda. O‘zbekistonda koronavirus bilan bog‘liq 6 ta holat rasman tasdiqlangan. Hozir ular kasalxonaga yotqizilgan va shifokorlar nazorati ostida.
Mutaxassisning to‘liq izohini Sputnik podkastida rus tilida tinglashingiz mumkin.
